НАРХИ “ШОҲИ МАҲСУЛОТ” ТО 4 СОМОНӢ ФАРОМАД, ВАЛЕ БОЗ 9 СОМОНӢ ШУД

Нархи як кило сабзӣ, ки сокинон вақтҳои охир ба сабаби ҷастухези нархаш онро бо киноя “шоҳи маҳсулот” ном кардаанд, баъди ба бозор даромадани ҳосили нав то ҳадди 4 сомонӣ пойин фаромада буд, рӯзҳои охир дар бозорҳои водии Вахш дубора то ба 9 сомонӣ боло рафтааст. Сокинон мегӯянд, сабаби дубора ба осмон ҷаҳидани нархи сабзиро касе шарҳ дода наметавонад.
Ёдовар мешавем, дар моҳи майи соли ҷорӣ нархи сабзӣ дар бозорҳои Тоҷикистон аз 2 сомонӣ барои як кило то ба 10 сомонӣ ва дар бархе шаҳру ноҳияҳо ҳатто то ба 12 ва 13 сомонӣ хест. Нархи ин маҳсулот дар дигар кишварҳои минтақаи Осиёи Марказӣ низ дар моҳҳои охир чанд баробар боло рафта буд. Вале мақомот изҳори умедворӣ мекарданд, ки бо ворид шудани ҳосили нав ба бозорҳо нархи маъмулии сабзӣ низ барқарор хоҳад шуд.

Видео НАРХИ “ШОҲИ МАҲСУЛОТ” ТО 4 СОМОНӢ ФАРОМАД, ВАЛЕ БОЗ 9 СОМОНӢ ШУД канала Bomdod TV