სალოტბარო სკოლების ფესტივალი - მომავლის ხმები | 2019

მომავლის ხმები - სალოტბარო სკოლების ფესტივალი
საქართველოში ფოლკლორის სახელმწიფო ცენტრის ინიციატივით 27-28 მაისს გურიაში, ოზურგეთის ფოლკლორის ცენტრში სალოტბარო სკოლების ფესტივალი - მომავლის ხმები გაიმართა.
ფესტივალში მონაწილეობდა 11 სალოტბარო სკოლის (ოზურგეთი, წალენჯიხა, ლენტეხი, საჩხერე, ონი, მესტია, ფოთი, ბათუმი, ზესტაფონი, ქობულეთი, სამტრედია) 400-მდე ბავშვი.
ღონისძიების მიზანი იყო საქართველოს სხვადასხვა კუთხის ტრადიციული სიმღერა-გალობის უკეთ წარმოჩენა მომავალი თაობებისთვის.
ფესტივალზე ბავშვებმა ერთმანეთს წარუდგენეს და მოასმენინებენ საკუთარი კუთხის სასიმღერო ნიმუშები.
ფესტივალი ორი ნაწილისაგან შეგდებოდა: ერთი გაიმართა ოზურგეთის ფოლკლორის ცენტრში, სადაც ბავშვებმა ქართული ტრადიციული სიმღერა-გალობა წარმოადგინეს, მეორე, არაფორმალური ნაწილი, კი გიორგი სალუქვაძის სახლ-მუზეუმში გაგრძელდა, სადაც ბავშვებმა ქართულ თამაშოებებში მიიღეს მონაწილეობა. მოეწყო გამოფენა, დაათვალიერეს მუზეუმის ტერიტორია, გაეცნენ ადგილობრივ ყოფა-ცხოვრებას, ჩატარდა სხვადასხვა აქტივობა, როგორც ბავშვებში, ასევე უფროსებში.
ოზურგეთის სალოტბარო სკოლის მოსწავლეები ოჯახებში გაუმასპინძლდნენ ონის, ლენტეხისა და მესტიის სალოტბარო სკოლების ბავშვებს. ამ ფესტივალის ერთ-ერთი მიზანი სწორედ ეს იყო - სალოტბარო სკოლის მოსწავლეები დამეგობრდნენ, ერთმანეთის სიმღერა-გალობა მოისმინეს, დააფასეს და შეიყვარეს ერთმანეთი. სალოტბარო სკოლებს გადაეცათ მადლობის სიგელები.

Видео სალოტბარო სკოლების ფესტივალი - მომავლის ხმები | 2019 канала ფოლკლორის ცენტრი • Folklore Centre