ქართული საგალობლები სალოტბარო სკოლის მოსწავლეების შესრულებით

ექვთიმე აღმსარებლის ხსენების დღე განსაკუთრებულად აღინიშნა მის მშობლიურ რაჭაში. ამბროლაურის სალოტბარო სკოლის პედაგოგის, ლევან ბერელიძის ინიციატივით დღის განმავლობაში სხვადასხვა ღონისძიება გაიმართა. ამბროლაურის ივერიის ღვთისმშობლის ხატის ტაძარში საზეიმო წირვის შემდეგ, მგალობლებმა, სტუმრებთან და სასულიერო პირებთან ერთად, კულტურის სახლის დიდ დარბაზში გადაინაცვლეს.

ონისა და ამბროლაურის სალოტბარო სკოლის მოსწავლეებმა, პედაგოგებთან ერთად, შეასრულეს ის უძველესი ქართული საგალობლები, რომელიც ექვთიმე კერესელიძემ გადაწერა და გადაარჩინა საბჭოთა ოკუპაციისა და დევნის პერიოდში.

ღონისძებაში მონაწილეობდნენ: ლევან ბერელიძე, დავით სხირტლაძე, ამბროლაურის სალოტბარო სკოლა, თორნიკე სხიერელი, ირემა ჯაფარიძე, ონის სალოტბარო სკოლა, ბესო მახათაძე და მგალობელ-მომღერალთა გუნდი ,,მასპინძელი" სამტრედიიდან, ზურაბ ბაკურაძის სახელობის ონის სამუსიკო სკოლა, ნიკორწმინდის საკათედრო ტაძრის მგალობელთა გუნდი.
ღონისძიების წამყვანები იყვნენ: კახაბერ პაპუაშვილი და ქეთევან ბერაძე

Видео ქართული საგალობლები სალოტბარო სკოლის მოსწავლეების შესრულებით канала ფოლკლორის ცენტრი • Folklore Centre