BİYAN KÖKÜ Hansı Xəstəlikləri Sağaldır? - Köhnə Həkimlərin Sirri

#BirBax #xalqtəbabəti #biyan
Biyan bitkisi haqda yəqin ki çoxlarınız eşidib. “Koka-kola”nın əsas maddəsi olan bu bitkinin saysız hesabsız faydaları var. O, mədə problemləri, ürək xəstəlikləri, təzyiq, infeksiyalar, qaraciyər xəstəlikləri, saç və dəri problemləri, köklük kimi hallarda müalicəvi təsirə malikdir. Bu gün bitkinin faydaları, istifadə qaydaları və bəzi hallarda etdiyi zərərləri barədə məlumat alacaqsız. Diqqət ekrana.

Şirin biyanın faydaları bunlardır:

Qastrit, mədə xorası, qəbizlik, ishal kimi mədə-bağırsaq problemlərində simptomları aradan qaldırır, insanı rahatladır. Qastro-ezofageal reflyuks xəstəliyi zamanı da orqanizmin köməyinə çatır. Şirinbiyan məcunu bütün mədə narahatlıqlarında əlçatan vasitədir;

Tənəffüs yolları xəstəlikləri üçün də istifadə edilən şirinbiyan öskürək, bəlğəm, boğaz ağrısı, nəfəs çatışmazlığı, bronxit kimi hallarda müalicəvi təsir göstərir. Şirinbiyan siropu, şirinbiyan həbi, şirinbiyan-zəncəfil çayı ürəklə istifadə edə biləcəyiniz vasitələrdir;

Qaraciyər iltihabı, qaraciyər yağlanması zamanı şirinbiyan orqanizmin dəstəkçisi kimi çıxış edir. Sidikqovucudur, bu sayədə toksinləri orqanizmdən xaric edir, immuniteti möhkəmləndirir, qaraciyər, dalaq kimi daxili orqanların xəstələnmə riskini azaldır;

Şirinbiyan suyu gümrahladır, rahatladır, eyni zamanda, depressiyanı aradan qaldırır. Əsəbi gərgin olanlar və yorğunluqdan əziyyət çəkənlər gündəlik maye qəbulu siyahısına şirinbiyan suyu daxil etməlidirlər;

Saçlara və dəriyə yeniləyici təsir göstərən şirinbiyan dərinin parlaqlığını, saçların canlılığını artırır. Mütəmadi olaraq istifadə edildiyində dəridəki tünd ləkələrin, artıq yağların, ölü hüceyrələrin təmizlənməsini təmin edir. Saçın və dərinin elastikliyinə zəmanət verən şirinbiyan psoriaz, ekzema kimi dəri xəstəliklərini sağaldır. Şirinbiyanı soyutma bişirin, soyumasını gözləyin. Sonra əlinizlə götürüb saçların dibinə, dəriyə masaj tətbiq edə bilərsiniz. Bundan əlavə, şirinbiyan tərkibli sabun, şirinbiyan əsaslı krem, şirinbiyan maskası da istifadəyə uyğundur;

Şirinbiyan içkisi sağlam və təbii şəkər tərkiblidir. Buna görə də, şəkər xəstələri və pəhriz saxlayanların şirniyyat ehtiyacını qarşılayır. Sadəcə, qəbul normasına nəzarət etmək vacibdir. Tərkibində şəkər olmasına baxmayaraq, şirinbiyanın kalori dəyəri aşağıdır. Belə deyim, 1 çubuqda, təxminən, 40 kalori var;

Şirinbiyan tozu qadınların cinsi problemlərinin həllində faydalıdır. Bu məqsədlə toz halındakı şirinbiyan soda ilə qarışdırılaraq içilməlidir;

Unutmayın ki, şirinbiyan dərman deyil, müalicəni dəstəkləyən vasitədir. Ürək, təzyiq, böyrək, diabet problemləri olanlar şirinbiyan istifadə etməzdən əvvəl həkimləri ilə məsləhətləşsələr, yaxşı olar. Bununla belə, şirinbiyan şərbətinin zərərləri bu cür açıqlana bilər:

Diabetin daha irəliləmiş formalarında, həddən artıq köklükdə zərərli ola bilər;

Daimi qəbulu natrium və kalium əksikliyinə səbəb ola bilər ki, bu da təzyiqin qəfil yüksəlməsi ilə nəticələnər;

Qadınlara cinsi baxımdan faydalı olan şirinbiyan kişilərə əks təsir göstərə bilər. Testosteronu aşağı salmaq onun ən önəmli xüsusiyyətlərindəndir;

Ürəklə bağlı, qandurulducu, təzyiq dərmanları qəbul edənlər şirinbiyandan uzaq durmalıdırlar. Bitkinin tərkibindəki maddələr dərmanlarla reaksiya versə, nəticələr xoşagəlməz olar;

Şirinbiyan necə istifadə olunur?

Bayaq da dediyim kimi, şirinbiyandan daha çox şərbət hazırlanır. Şirinbiyanı suda saxlamaqla şərbəti evdə özünüz də hazırlaya bilərsiniz. “Şirinbiyan siçanların ən sevdiyi bitkilərdəndir, insan yeyə bilməz” kimi söyləntilərə qulaq asmaq lazım deyil. Nəticədə, bütün bitkilər torpaqda bitir və torpaqda siçan olması təbiətin qanunudur. Özü də, əkin tarlalarında təkcə siçanlar yox, tanımadığınız neçə-neçə heyvan, həşərat vardır.

Arıqlamaq və ya müalicə məqsədilə istifadə edərkən şirinbiyan məhlulu seçilə bilər. Ayrıca, apteklərdən şirinbiyan ekstraktı almaq şansınız da var. Nizamlı şəkildə içilən şirinbiyan çayı arıqlamağa kömək edir. Lakin paralelində pəhriz saxlanılmalı, bol miqdarda təmiz su içilməlidir.

Şirinbiyandan bal da, bəhməz də hazırlanır. Şirinbiyan yağı ilə buxar vannası eləmək meditasiya effekti verir. Şirinbiyan dərman sənayesinin və kosmetologiyanın ən çox üz tutduğu bitkilərdəndir.

Şirinbiyan arıqladırmı?

Şirinbiyan suyundan şüurlu və nizamlı şəkildə gün ərzində 1 stəkan içilsə, yetərlidir. Toxluq hissi yaratdığından az yemək yeyilməsinə səbəb olur. Şirinbiyan çubuğu çiynəyərək şirniyyat həvəsinizi öldürə bilərsiniz. Üstəlik, bitki sidikqovucu xüsusiyyəti ilə ödəmləri yox edir. Yenə təkrarlayıram: şirinbiyan təkbaşına arıqlamaq üçün vasitə deyil; pəhriz zamanı dəstəkləyicidir.

Şirinbiyan suyu necə hazırlanır?

Əzilmiş bir top şirinbiyanı qrafinə qoyun, üstünə çıxacaq qədər su əlavə edin. 2 saat gözləyin. Sonra suyu cuna ilə başqa qrafinə süzün. Bir az daha gözləyin və soyuq halda için.

Видео BİYAN KÖKÜ Hansı Xəstəlikləri Sağaldır? - Köhnə Həkimlərin Sirri канала Bir Bax