Нығматулин қазақша сұраққа орысша жауап берген вице-министрге ұрысып тастады

Мәжіліс төрағасының сөзіне депутаттар қол шапалақтады

Мәжіліс спикерінен сөз естіген - Цифрлық даму, инновациялар және аэроғарыш өнеркәсібі вице-министрі Асхат Оразбек. Ол жалпы отырыста депутат Наринэ Микаелянның қазақ тілінде қойылған сұрағына орысша жауап қайтарды. Мемлекеттік тілге құрмет көрсетпеген шенеуніктің әрекеті мәжіліс төрағасына жақпай қалды.

«Әрине, бізде аударма бар. Осы залда отырған әрбір азаматқа қай тілде сөйлеймін десе жағдай жасалған. Бірақ басқа ұлттың азаматы мемлекеттік тілде сұрақ қойып тұрғанда, қазақ тілінде сайрап тұрғанда, сіздің мемлекеттік тілде жауап бермегеніңіз дұрыс емес», - деді Нұрлан Нығматулин.

Видео Нығматулин қазақша сұраққа орысша жауап берген вице-министрге ұрысып тастады канала Азаттық рухы / Азаттык / Azattyq ruhy tv