Мәжілістен бүгін тағы бір министр желкесін қасып, жер шұқып қайтты.

Мәжілістен бүгін тағы бір министр желкесін қасып, жер шұқып қайтты. Депутаттар Нұрлан Қаппаровтың сауалға берген жауаптарына қанағаттанбай, қайта-қайта тұщымды пікір талап етті. Сын сәтте сыр берген Қоршаған орта және су ресурстары министрі алдымен орынбасарын, одан соң департамент директорларын көмекке шақырды. Қаппаров әбден қысылып, қипақтаған кейбір сұраққа тіпті спикердің жауап беруіне тура келді.
Мәжіліс мінберіне көтеріліп, алдын ала даярланған баяндаманы ежіктеп, әрең оқып шыққан министр сауалға кезек келгенде әбден терледі. Тіпті көзі қарауытып кетті ме қайдам, өзіне сұрақ қойған депуаттардың аты-жөнін шатастыра бастады.
Жоқ-жоқ не ту бумажку вытащили.- Кешіріңіз. -Это другой депутат был.
Министрдің бұдан әрі, сауал сайын кешірім сұрауына тура келді. Өйткені ведомство басшысының әбден пысықтап, тиянақтап әкелген заң жобасы, қазір мәжілісте қаралып жатқан нормативтік құқықтық актілерге кереғар болып шықты.
РОЗАҚҰЛ ХАЛМҰРАДОВ, ҚР Парламенті Мәжілісінің депутаты:
Сіз айыппұлды 10АЕК тен 5 АЕК-ке түсіруді ұсынасыз. Ал Әкімшілік құқық бұзушылықтар туралы кодексте 10 АЕК деп тұр. Сонда қалай үкімет бір қолымен беріп, екіншісімен алып алып отыр ма ?
Министр жауап беруге тырысты. Алайда онысы депутаттарды қанағаттандырмаған соң, орынбасарын көмекке шақырды.
Можно заместитель.......-Может тогда сразу сюда заместителя..... так мы и до директоров департаментов, до помошников дойдем.
Шынымен сауалға департамент директорларының да әлсін әлсін жауап беруіне тура келді. Ал министр ойын жинақтай алмай, өзіне қаратылған сұрақты қайта-қайта ұмытып қала берді.

Видео Мәжілістен бүгін тағы бір министр желкесін қасып, жер шұқып қайтты. канала Информбюро 31