6 ქრისტიანული ლიტერატურის რაობა - I

ედიშერ ჭელიძე - "ქრისტიანული ლიტერატურის ისტორია".

საუბრის თემა: ქრისტიანული ლიტერატურის რაობა - I.

ლექციის მოკლე კონპექტი:

საეკლესიო ლიტერატურას თავისთავადი მიზანდასახულობა და ღირსება არა აქვს. ბიბლიას აქვს ჭეშმარიტად თავისთავადი ღირსება. ბიბლია არის თავადი წიგნი, ანუ წიგნთა წიგნი. სწორედ ბიბლიასთან მიმართებაში იძენს უზენაეს ღირებულებას საეკლესიო ლიტერატურაც.

საეკლესიო ლიტერატურა თავისი ენით არის განმარტებითი, ანუ განგვიმარტავს სწავლებას. ვერცერთ სწავლებას ვერ ვიპოვით საეკლესიო ლიტერატურაში, რაც ამავე დროს არაა გადმოცემული ბიბლიაში.

თუ ბიბლიაში ყველა სწავლება იგულისხმება, რაც ადამიანის ცხოვნებისთვის არსებითი და მნიშვნელოვანია, რა საჭირო იყო ესოდენ ვრცელი და ამოუწურავი საეკლესიო ლიტერატურის შექმნა?

ბიბლიაში ჭეშმარიტება გადმოცემულია ბიბლიის ენით; ძველი აღთქმისთვის ნიშანდობლივია წინასწარმეტყველური, სახეობრივი თქმა, რაც მეტად იტევს ალეგორიზმსა და სიმბოლიზმს. ეს არის ბიბლიური ენის პირველი სახეობა. მეორე სახე ბიბლიური ენისა არის ახალი აღთქმისა - მახარებლურ-სამოციქულო ენა. ბიბლიის ენისთვის ნაკლებად არის დამახასიათებელი განმარტების სტილი.
საეკლესიო ლიტერატურა განმარტავავს ბიბლიიას.
ბიბლია კაცობრიობას საცხონებლად მიეცა, მაგრამ რამდენი ადამიანიცაა ბიბლიის იმდენაირი გაგება შეიძლება არსებობდეს.
ბიბლია არის ჭეშმარიტების წერილობითი გადოცემა, ბიბლიას სხვაგვარად ეწოდება „ღვთის სიტყვა" / „ცხოველი სიტყვა ღვთისა". ასევე, „ღვთის სიტყვა" პიროვნული (ანუ ჰიპოსტასური ანუ გვამოვნებითი) წოდებაა სამების მეორე პირისა, ძე ღმერთისა.

Видео 6 ქრისტიანული ლიტერატურის რაობა - I канала davit davituri