Ağdamın sağ qalan qalası: ermənilər Şahbulağı gəlir mənbəyinə çevirmişdilər! REPORTAJ

"Yeni Müsavat" Media Qrupu olaraq Ağdama növbəti səfərimizdə əzəmətli Şahbulaq qalasını da ziyarət etdik.

XVIII əsrdə inşa edilən qala ermənilər tərəfindən muzey kimi istifadə edilib, saxtalaşdırılan tarixin bir parçasına çevrilib.

Azərbaycanın tarixi qalasında özlərinin, qondarma Dağlıq Qarabağ Respublikasının dırnaqarası tarixini nümayiş etdiriblər.

Müharibə davam edən ərəfədə ermənilər burada olub. Son ana qədər də Azərbaycan əsgərinin bu torpaqlara ayaq basmayacağını xəyal ediblər.

Lakin müharibənin gedişində bir güllə atmadan Ağdam təhvil verilən zaman ermənilər əllərinə keçəni götürərək qaçmağa başlayıblar.

Bu, onlar üçün o qədər gözlənilməz olub ki, qalaya yığdıqları vitrinləri və digər lazımlı əşyaları apara bilməyiblər. Halbuki çıxdıqları kəndlərdən dam örtüklərini, işıq xətlərini unitazları belə aparırdılar.

Şahbulağın əzəməti, ətrafındakı yaşıl yamacları, hündür ağaclar və ən əsası da bolsulu bulaq ermənilərin tamahını artırıb. Qala və bulağın ətrafını müvəqqəti də olsa özlərinin gəlir mənbəyinə çeviriblər.

Müharibə ərəfəsində buradan erməni döyüşçüləri sığınacaq kimi istifadə edib. Həm qalada, həm də bulağın ətrafında erməni əsgərlərindən qalan əşyalar da gözümüzə dəyir.

Artıq tarixi Şahbulaq öz sahiblərinə qayıdıb. Burada qalan erməni izləri də yaxın zamanda tarixdən silinəcək. Hər yer abadlaşacaq, gözəlləşəcək. Ağdam 27 il əvvələ qayıdacaq.

İlkin Muradov

Video: Rafət Şahbazov
Kanala abonə ol : https://www.youtube.com/TVmusavat
Email: Musavat7777@gmail.com

Kanala baxdığınız üçün təşəkkürlər

Видео Ağdamın sağ qalan qalası: ermənilər Şahbulağı gəlir mənbəyinə çevirmişdilər! REPORTAJ канала TV Musavat