Екі қап бекіремен ұсталып, сотталған екі азаматтың туыстары жоғарғы соттан араша сұрайды

Атырауда екі қап бекіремен ұсталған екі азаматқа сот 56 миллион теңге шамасында айыппұл салып, оған қоса үш жылға бас бостандықтарынан айырды. Атырау қалалық соты браконьерлерге шартты жаза беріпті. Кейін прокурорлардың шағымымен облыстық сотта үкім өзгерген. Сотталған азаматтардың отбасылары бұл үкімге наразы. Өйткені екеуі де көп балалы әке, бұрын сотталмаған дейді олар. Сондықтан туыстары жоғарғы соттан араша сұрайды.
Бұл сотталған Нұрлан Қалиев пен Сабыржан Мусаевтың туыстары. Екі азамат өткен жылы 50 келіден астам, яғни екі қап бекіре тұқымдас балықты заңсыз аулап, қамауға алынған. Қараша айында қалалық сот олардың отбасылық жағдайы мен бұрын істі болмағандығын ескеріп, шартты жаза тағайындап, босатып, 56 миллион теңге шамасында мемлекет пайдасына айыппұл өндіруге үкім шығарған. Алайда прокурорлардың наразылығымен қылмыстық іс облыстық сотта қайта қаралып, екі азамат 56 миллион теңге айыппұлмен бірге үш жылға бас бостандықтарынан айырылған.
ӘДІЛХАН ИБРАШОВ, сотталушылардың туысы:
– Бұл соттың үкімі өте қатал деп есептеп, бұрынғы Атырау қалалық сотының 23 қарашадағы үкімін өз күшінде қалдырса, соған біз ризамыз. Өйткені ол балалар түрмеде жатқанда олардың айыппұлдарын Үкіметке орнына толтыратын ешқандай мүмкіндік жоқ. Өйткені бұл балалар семьясының жалғыз асырушысы себебінен сол шартты мерзіміне ауыстырса.
Сотталғандардың бірінде кәмелет жасқа толмаған 5, бірінде 4 төрт бала бар. Жұмыссыз отырған жұбайлары шартты түрде жіберсе, айыппұлды аяқтай жүріп өтер еді, ал мына жағдайда ол миллиондарды қалай төлейміз» дейді.
АЛЬФИЯ ЖАКЕНОВА, С.Мусаевтың жұбайы:
– Айыппұлын төлейміз деп келісіп жатыр. Қазір 5 баласы бар, қасындағы досының 4 баласы бар. Тек қана асыраушымыз. Біз екеуміз де жұмыссыз анамыз. Көмек болса екен дейміз. Жан-жақты қарастырып, аяқтай шықса екен дейміз. Штрафты төлейді.
Бұл отбасылардың бар талабы екі азаматқа шартты жаза беру. Ал сотталғандардың адвокаты «темір торға қамап, оған қоса миллиондап айыппұл төлету ақылға сыйымсыз" деп, жоғарғы сотқа шағым дайындап жатқандарын айтады.
Ал табиғатты қорғау прокуратурасынан браконьерлер ісіне қатысты жауап алдағы күндері алынатын болады.
Жанат Молдашов, Фархат Тәжібаев

.
.
.
.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар

Видео Екі қап бекіремен ұсталып, сотталған екі азаматтың туыстары жоғарғы соттан араша сұрайды канала Информбюро 31