Қазақстанның алты өңірінде эпидемиологиялық ахуал күшейе түсті

Қазақстанда коронавирус инфекциясына қатысты жағдай қайта күшейгені соншалық, қазір алты бірдей облыс «қызыл аймаққа» кірді. Ақмола, Қостанай, Павлодар, Атырау облыстары, Нұр-сұлтан қаласымен бірге Солтүстік Қазақстан облысында да демалыс күндері локдаун енгізіледі. Мәселен, Петропавлда сауда орындары мен қоғамдық көліктер сенбі, жексенбі күні жұмыс істемейтін болды.
РУСЛАН ЖАСҰЛАНҰЛЫ, тілші:
– Бүгін ғана қызыл аймаққа кірген еліміздің солтүстігінде қаңтардың 21-нен бастап карантин шаралары қатаңдатылады. Демалыс күндері сауда ойын сауық орындары, фитнес орталықтар мен көлемі 500 шаршы метрден асатын барлық нысандар жабылады. Ал жұмыс күндері сауда ойын сауық орындары, мейрамханар мен дәмханалардың жұмысы кешкі сегізге дейін қысқартылатын болды. Көпшілік жиналатын орындар адамға отыз пайыздан артық толмауы тиіс. Мамандар, мұндай қатаң ережелер санитарлық талаптарды сақтамайтындар саны көбейгеннен кейін енгізіліп отыр дейді.
ӘСЕТ ЖҰМАТАЕВ, СҚО бас санитарлық дәрігері:
– R-көрсеткіші 1-ден асты. Аурушаңдық 71 адамда тіркелді. Егер өткен аптаның осы күнімен салыстыратын болсақ, ол күндері бізде 50-54 жағдайдан тіркеліп отырса, қазіргі таңда 71 жағдай тіркелді. Осыған байланысты біз қызыл аймаққа кіріп, осындай шектеу жұмыстарын күшейтіп отырмыз.
РУСЛАН ЖАСҰЛАНҰЛЫ, Тілші:
– Сондай-ақ, демалыс күндері қоғамдық көліктердің жұмысы тоқтайды. Бірақ көпшілік сенбі, жексенбіде автобустардың жүрмейтініне қарсы. Сөздерінше, демалыс күндері жұмыс істейтін тұрғындардың пікірі ескерілмей жатыр.

Ал кеше ғана сары аймаққа өткен Қарағанды облысында да сенбіден бастап бірқатар шектік шаралары енгізілетін болды. Он бес және одан көп адам қызметкері бар компаниялар жұмысшыларының алпыс пайызын қашықтықтан жұмыс імтеу режиміне ауыстыру қажет. Халыққа қызмет көрсету орталығы мен Қазпошта, банк бөлімшелерінің жұмысы таңғы тоғыздан кешкі сағат алтыға дейін қысқартылады. 65 жастан асқан адамдардың қоғамдық орындарда жүруіне шектеу қойылады. Облыстағы қалааралық жолаушылар автобусының жұмысы демалыс күндері тоқтатылады. Қазір облыста 12 848 короновирус жағдайы тіркеліп отыр. Өткен жылмен салыстырғанда қаңтарда 44 пайызға өскен.
.
.
.
.

Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар

Видео Қазақстанның алты өңірінде эпидемиологиялық ахуал күшейе түсті канала Информбюро 31