Алматыда Орталық Азия елдерінің Тұрақты даму саласындағы мақсаттары бойынша саммиті басталды

Алматыда Орталық Азия елдерінің Тұрақты даму саласындағы мақсаттары бойынша екінші өңірлік Саммит басталды. Екі күнге жалғасатын жиынға Қазақстан премьер-министрі, өңір елдері үкіметтерінің саяси көшбасшылары, халықаралық сарапшылар қатысты. Ал саммитке қатысқан «Қазақстан Халық Банкінің» басқарма төрайымы Үміт Шаяхметова цифрландырудың көмегімен банк өніміне, мемлекеттік қызметтерге қол жеткізу мүмкіндігін ұсынды.
Алматыда «COVID-тен тыс жерде - Орталық Азияны әділдік негізінде қалпына келтіру жолында» атты Орталық Азия елдерінің Тұрақты даму саласындағы мақсаттары бойынша екінші өңірлік Саммит басталды. Өңір елдері үкіметтерінің саяси көшбасшылары, халықаралық сарапшылар және Орталық Азияның азаматтық қоғамының өкілдері қатысқан саммитте Қазақстанның премьер-министрі Әлихан Смайылов сауда қатынастарында күш біріктірудің маңызын айтты.
ӘЛИХАН СМАЙЫЛОВ, Қазақстан Премьер-Министрі:
– Өзара іс-қимылды одан әрі дамыту үшін айтарлықтай әлеуетіміз бар екені анық. Осы орайда елдер арасындағы сауда қатынастарын кеңейту жөніндегі бірлескен шараларды күшейту қажет.
Мемлекеттік қызметтерді цифрландыру тұрақты даму мақсаттарына қол жеткізудің акселераторы тақырыбындағы сессияда сөз алған «Қазақстан Халық Банкі» Акционерлік қоғамының басқарма төрайымы Үміт Шаяхметова Халық Групптың өңірлік даму жолындағы жетістіктерімен таныстырды. Цифрландырудың арқасында банк өніміне қол жеткізуге мүмкіндік береміз деген басқарма төрайымы цифрландыру арқылы мемлекеттік қызметтерді қолжетімді етпек. Яғни, туу туралы куәлік, тұрғылықты мекен-жайы бойынша тіркеу сияқты сұранысқа ие құжаттардың 18 түрін алу ұсынылады деді.
ҮМІТ ШАЯХМЕТОВА, "Қазақстан Халық Банкі" АҚ басқарма төрайымы:
– Сұранысқа ие мемлекеттік қызметтердің 18 түрі енгізілді. Халық жиі пайдаланатын қызметтердің барлығын Halyk Homebank қосымшасы арқылы пайдалану мүмкіндігі бар. Бұл өте ыңғайлы, тегін. Жыл басынан бері қосымшадағы қызметтерді пайдалану көрсеткіші 15 млн-нан асты.
18 мың қызметкер жұмыс істейтін Қазақстандағы ең ірі қаржылық компания активтердің көлемі бойынша көш басында, ал ТМД елдеріндегі банктерінің ішінде алғашқы үштікті түйіндеп тұр. Елдегі ірі компаниялардың 80 пайызынан көбі Халық банктің клиенттері. Халық банк ТМД нарығындағы 6 елде бірдей жұмыс істейтін жалғыз компания екенін айтқан басқарма төрайымы 1 млрд доллар шетелдегі нарыққа инвестицияланғанын айтты.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео Алматыда Орталық Азия елдерінің Тұрақты даму саласындағы мақсаттары бойынша саммиті басталды канала Информбюро 31