Ўзбекистонда бир қатор имом хатиблар ишдан бўшатилди

Ўзбекистонда бир қатор имом-хатиблар ишдан бўшатилди

Ўзбекистон мусулмонлари идораси 26 июль куни имом-хатибларнинг нима сабабдан ишдан бўшатилгани ҳақида маълумот берди.
Хабарда айтилишича, Сирдарё вилоятида 3 нафар диний маълумотга эга бўлмаган киши имомлик қилаётгани, (Фуқаролик ҳолати далолатномаларини ёзиш) ФҲДЁ органидан рўйхатдан ўтмаган шахсларга никоҳ ўқиш кузатилгани, ажримлар сони ортгани ва айрим имомлар намозхонларга қўпол муомалада бўлаётгани аниқланган.
Ўзбекистон матбуотларида шундай изоҳлар тарқатилди. Лекин, Facebookда изоҳ қолдираётган диндорлар Диний идора жамиятда фаол бўлган ва ўз фикрига эга имомларни ишдан олаётганини ёзмоқда.
Фаол имомларнинг ишдан олиниши Диний идорага режим бошлиғининг қайтишидан сўнг рўй бермоқда. Давлат Хавфсизлик Хизмати ходими Дилшод Ҳошимов шу йилнинг 12 июль куни раис ўринбосари сифатида тайинланган.
Масалан фаол намозхон болаларни рағбатлантириш учун велосипедлар совға қилган Самарқанд туманидаги масжид имом-хатиби Абдураҳим Пўлатов ишдан олинган. Диний идора имомнинг ишдан олиниши итоатсизлик ва топшириқларни пайсалга солиш деб изоҳлади.
Бу каби мазмун билан Ўзбекистондаги анча фаол ва мусулмонларнинг таҳсинига сазовор бўлаётган бошқа баъзи имомлар ҳам ишдан олинган.
11 май куни хабар.уз мухбири Каримберди Тўрамурод Самарқанд тумани Имом Аъзам масжиди томонидан ташкил қилинган мусобақа ҳақида хабар берди.
Унда ёзилишича, 40 кун бомдод намозини жамоат билан ўқиган 14 болага ҳомийлар велосипедлар тақдим қилган.
Хабар чиқиши билан масжид жамоати ва имом Абдураҳим Пўлатов атрофида қора булут айлана бошлаган.
Мақола чиққанидан сўнг масжидга Самарқанд жиноят қидирув бўлимидан ходим келган. У болаларга совға қилинган велосипедлар қаердан ва кимнинг пулига келганини суриштиришган.
Тошкент шаҳридаги "Шайх Зайниддин" жоме масжиди имом-хатиби Одилхон қори Исмоилов ҳақида интернетда номаълум шахс томонидан номини қораловчи мақола қўйилди.
Кўп вақт ўтмасдан Одилхон қори ишдан олинди. Диний идора раиси Усмонхон Алимов аввалига унинг ишдан олинишини соғлиғи муносабати билан деди. Бироқ кейинчалик имом "тартиб-интизомига риоя этмагани ва тасдиқланмаган хабарларни интернет орқали тарқатиш каби нуқсонлари" сабаб ишдан олингани маълум қилинди.
Одилхон қори Исмоилов маърузаларининг бирида болаларнинг масжидга қўйилишига изн берилганини айтган ва буни хушхабар деганди.
Ўзбекистонда рўй бераётган Исломга қарши курашнинг авж олиши давлат янги модель ниқобини ечиб ташаганидан дарак беради. Биз аввал ҳам айтиб ўтганимиздай бу система эски Золим давридан бери бу халққа қаттиқ зулм қилиб келади ва бундан тўҳтагани йўқ фақат кўринишлар бироз ўзгарди асл моҳияти эса ўша ўшадир. Эй Ўзбекистон мусулмонлари бўлаётган ишларга мусулмон кўзи билан қаранг ва ибрат олинг. Агар ҳали ҳам умид қилаётган бўлсангиз адашасиз, сиз орзу қилаётган “ислоҳотлар” бу жирканч тузумда ҳеч қачон амалга ошириб бўлмайдиган ишдир. Сизлар Роббил оламин тарафидан келган ҳақдан юз ўгирманг ва Унинг қонунларини ер юзида тўлалигича қоим қилишликка харакат қилинг.

“Ҳақни ботилга аралаштирманглар ва билган ҳолингизда ҳақни беркитманглар”. (2-42)

Видео Ўзбекистонда бир қатор имом хатиблар ишдан бўшатилди канала Central Asia Media