Уæрæсейы регионты сæргълæуджыты куыстæн аргъ кæндзысты ног фæткмæ гæсгæ

Уæрæсейы регионты сæргълæуджыты куыстæн аргъ кæндзысты ног хуызы. Уый тыххæй сæрмагонд бардзырд бафыста хицауады сæрдар Михаил Мишустин. Хатдзæгтæ кæнгæйæ, фылдæр æргом здахдзысты социалон-экономикон райрæзты фарстатæм. Уæлдайдæр та - мызды бæрæггæнæнтæ, ахуырады хæрзхъæддзинад, цæрæнуæтты арæзтад, регионы экологон уавæр æмæ æндæртæм. Сæрмагонд гæххæтмæ ма бахастой, раздæр дзы нысангонд цы нæ уыд, ахæм ивддзинæдтæ.

Бæлвырддæр дзургæйæ, бархионты змæлды архайд, спортмæ разæнгарддзинад, культурон мадзæлтты расидт æмæ паддзахадон оргæнты нымæцон цæттæдзинад. Уæрæсейы президент цы национ нысæнттæ сбæлвырд кодта, уыдоны æххæсты бæрæггæнæнтæ дзурæг уыдзысты регионты сæргълæуджыты æнтыстджын куыстыл. Афтæмæй, регионтæй хуыздæр бæрæггæнæнтæ чи равдиса, уыдонæн федералон центр бакæндзæн уæлæмхасæн æххуыс.
_________________________
Мы рядом в:
vk.com/irystontv
instagram.com/irystontv
youtube.com/irystontv
twitter.com/irystontv
ok.ru/irystontv

Видео Уæрæсейы регионты сæргълæуджыты куыстæн аргъ кæндзысты ног фæткмæ гæсгæ канала iRYSTON TV