Сергей Меняйло республикæйы хицауады уæнгты сæ бартæй суæгъд кодта

Цæгат Ирыстоны сæргълæууæджы хæстæ рæстæгмæ æххæстгæнæг Сергей Меняйло республикæйы хицауады уæнгты сæ бартæй суæгъд кодта. Уый тыххæй бафыста сæрмагонд бардзырд. Регионы сæргълæууæджы хæстæ рæстæгмæ æххæстгæнæг сæ æрдомдта алы къабазы уавæры тыххæй дзуапдæттæн докладтæ. Уыимæ ма, национ проекттæ куыд æххæстгонд цæуынц, уый тыххæй дæр.

Сергей Меняйло бабар кодта, цæмæй æнæниздзинад хъахъхъæнынад, ахуырады æмæ цæрæнуæтты-коммуналон хæдзарады къабæзты куысты хатдзæгтæм ногæй æркæсой. Финансты министрад хъуамæ бацæттæ кæна республикæйæн хи æфтиæгтæ фæфылдæр кæныны тыххæй пълан. Афтæ ма Сергей Меняйло бахæс кодта Хицауады æмбырдтæ Цæгат Ирыстоны алы районы дæр аразыны фæткыл бакусын.
_________________________
Мы рядом в:
vk.com/irystontv
instagram.com/irystontv
youtube.com/irystontv
twitter.com/irystontv
ok.ru/irystontv

Видео Сергей Меняйло республикæйы хицауады уæнгты сæ бартæй суæгъд кодта канала iRYSTON TV