ДЖАНЫМЧА КЁРГЕН

"Джанымча кёрген"
(халкъ джыр)

Джанымча кёрген, сюйгеним а барды,
Хар кюнде аны джокълайма.
Бир кюн болмаса, бир кюн а болур, деб,
Умут юзмейин а сакълайма.

Башыбыздагъы джарыкъ джулдузчукъ,
Ол таула артына батады.
Ариу сыфатынг кёзюмден а кетмей,
Тангым аман бла атады.

Мен джолгъа чыгъыб, аллынга уа къарай,
Эки кёзюмден бошайма.
Бу сюймеклигим элге уа билиниб,
Болмаз къайгъыгъа уа къалгъанма.

Мен джырла айта, ол джырла уа джаза,
Атынгы джыргъа салгъанма.
Ийнан, ариум, мен ант а этеме:
Сени сагъына уа джашайма.

Сени сюйгенден джашаялмайма,
Башымы алыб кетмесем.
Бу джашау манга неге уа керекди,
Мен муратыма уа джетмесем?

Бу джашау манга неге уа керекди,
Мен муратыма уа джетмесем?

Видео ДЖАНЫМЧА КЁРГЕН канала Elbrusoid