АЛГЪЫШ

"Алгъыш"
макъамы, сёзлери да
Каракетланы Махарны

Той барады эшик аллында,
Келин киргенд джарыкъ арбазгъа.
Толу юйдегили болсунла!
Этген муратлары толсунла!

Толу юйдегили болсунла!
Этген муратлары толсунла!

Тебсейдиле джашла бла къызла,
Олтуралла тёрледе къартла.
Тауусулалла алгъыш аякъла,
Ууалалла къурманлыкъ базукла.

Тауусулалла алгъыш аякъла,
Ууалалла къурманлыкъ базукла.

Ойнагъыз, тебсегиз, кюлюгюз,
Къысхармасын сизни кюнюгюз.
Джарыкълай къалсын бу дуниягъыз!
Алгъышда айтылсын атыгъыз!

Джарыкълай къалсын бу дуниягъыз!
Алгъышда айтылсын атыгъыз!

Туугъан джерим, джашагъан джерим,
Ата джуртум, о, Къарачайым,
Къууанчларынг таусулмасынла,
Къыйынлыкъла кери къалсынла!

Къууанчларынг таусулмасынла,
Къыйынлыкъла кери къалсынла!

Бизни миллет кёбден кёб болсун!
Хар юйге да туудукъ къошулсун!
Ётген къыйынлыкъны сынамай,
Рахат джашасын джигит Къарачай!

Ётген къыйынлыкъны сынамай,
Рахат джашасын джигит Къарачай!

Видео АЛГЪЫШ канала Elbrusoid