Əsas xəbərlər 12.12.2020 (Xəbər Saatı) Zəngəzurdan İNANILMAZ XƏBƏR!

Ermənistanın keçmiş müdafiə naziri və Xocalı cəlladı, general-polkovnik Seyran Ohanyan (“Axsaq Seyran”) Şuşada canını Azərbaycan xüsusi təyinatlılarından son anda qurtara bilib.
Modern.az xəbər verir ki, Ohanyan özü bu haqda "ArmNews" saytına müsahibəsində danışıb.
Bundan əvvəl Ermənistan mətbuatında şaiyələr yayılıb ki, Şuşanın müdafiəsinə rəhbərliyi üzərinə götürsə də Seyran Ohanyan döyüşdən qaçıb.
Lakin o deyir ki, Şuşanın müdafiəsi əməliyyatına rəhbərlik etmirdi. Oraya öz təşəbbüsü ilə getmişdi və “dqr müdafiə ordusunun komandanlığı ilə əlaqəsi yox idi”.
“Mən Şuşada özünümüdafiə dəstəsi formalaşdırmağa kömək etdim, biz 16 nəfər idik. Mən onların hamısından yaşlı idim. Noyabrın 5-də biz üç tərəfdən mühasirəyə alınmışdıq. 10 saat mühasirədə qaldıq. İki keçmiş köməkçim Sergey Ayrapetov və Vage Sirunyan qəhrəmanlıq göstərdilər (bu “qəhrəmanlığın” nədən ibarət olduğu açıqlanmır-red.), həlak oldular. Onların taktikası sayəsində biz mühasirədən çıxa bildik”, - Ohanyan deyib.
Keçmiş nazir Şuşadan qaçdığı haqda şaiyələrə ironik münasibət bildirib. Deyib ki, onun fiziki vəziyyəti (ayağının birini Birinci Qarabağ müharibəsində itirdiyi üçün protezlə gəzir,-red.) və yaşı bunu etməyə imkan vermədi.
“Əsgərlər bir neçə dəfə məni şəhərdən çıxarmağı təklif elədilər. Lakin mən qalmağa qərar verdim. Sonra düşmən mənim olduğum komanda məntəqəsini aşkarladı. Qərara alındı ki, oranı tərk edək və noyabrın 6-da səhər saatlarında biz Şuşadan çıxdıq”,- Ohanyan belə deyib.
Ohanyan habelə Şuşanın guya “satıldığı” barədə hazırda Ermənistanda geniş müzakirə olunan iddiaları rədd edib. Deyib ki, şəhər satqınlıq nəticəsində deyil, Azərbaycan ordusunun üstünlüyü sayəsində əldən verilib. Ohanyanın bildirdiyi kimi, Azərbaycan ordusu həm sayca, həm texniki imkanlar baxımından xeyli üstün idi, PUA-lar isə havada dominantlıq edirdi. “Azərbaycanlılar ətraf meşəliklərdən istifadə edərək şəhərin yanından keçmişdilər, döyüşlər bundan sonra da davam edirdi, qarşı tərəfin üstünlüyü həlledici oldu”,- o deyib.
Xatırladaq ki, noyabrın əvvəllərində Ohanyan Dağlıq Qarabağdakı qondarma rejimin rəhbəri Araik Arutyunyanın qərargahında görünmüşdü. Həmin toplantıda “Şuşanın müdafiəsi əməliyyatının” müzakirə olunduğu açıqlanmışdı. Lakin çox keçmədi ki, Azərbaycan xüsusi təyinatlıları Daşaltı qayalıqlarından qalxaraq qala-şəhərə, düşmənin arasına girdi və cəmi iki günə onu pərən-pərən saldı. Bu zaman Ohanyanın olduğu komanda məntəqəsinə də artilleriya zərbəsi endirilmişdi və onun öldüyü barədə xəbərlər yayılmışdı. Daha sonra Ohanyan bildirdi ki, “köməkçisi yaralanıb”, amma özü sağdır.
Seyran Ohanyan bədnam 366-cı alayın zabiti kimi Xocalı qətliamında şəxsən iştirak edib, o cümlədən 1992-ci ilin mayında Şuşanın işğalına rəhbərlik edənlərdən biri idi
Azərbaycanın Ermənistana qarşı mübarizəsi bitməyib, sadəcə hərbi platformadan psixoloji istiqamətə köçürülüb.
Publika.az xəbər verir ki, bunu Vətən Partiyasının üzvü Vardan Voskanyan deyib.
O bildirib ki, Türkiyə prezidenti Rəcəb Tayyib Ərdoğanın paradda iştirakı da Ermənistana qarşı hərbi əməliyyatlarının başa çatmadığını göstərir.
“Bu cür hərəkət Ermənistanda düşmən dövlətə qarşı nifrəti daha da artırır. Mən inanıram ki, Ermənistanda belə bir nifrət var və bu nifrətin obyektiv səbəbləri var, çünki bu biabırçı sənədin imzalanmasından sonra da Azərbaycan tərəfi Türkiyənin dəstəyi ilə həqiqətən psixoloji cəbhədə əməliyyatlar həyata keçirir. Bu, Azərbaycan-Türkiyə ittifaqının bizimlə müharibəni bitirmədiyi, sadəcə onu psixoloji bir platformaya köçürdüyünə dair əlavə bir göstəricidir”, - Voskanyan deyib və əlavə edib ki, Azərbaycan hər şeydən xəbərdardır.
V.Voskanyan qeyd edib ki, Ermənistanın müvafiq qurumları cəmiyyəti daxildən parçalamağa yönəlmiş bu psixoloji müharibəyə adekvat cavab verə bilmir.
“Ermənistanda cəmiyyətin əhval-ruhiyyəsində hər şeyin bitdiyi, Azərbaycan və Türkiyənin istədiklərini əldə etdikləri xəyalını yaratmağa cəhd edilir. Ancaq bu heç də belə deyil. Sunik, eyni zamanda, geniş Azərbaycan-Türkiyə proqramının vacib bir hissəsidir və təsadüfi deyil ki, Əliyev öz terminologiyasında Sunik, Sevan və İrəvan mənasını verən Zəngəzur, Göyçə və İrəvan haqqında danışır. Bu həm də Ermənistana qarşı Azərbaycan-Türkiyə siyasətinin davam edəcəyini göstərir və təəssüf ki, səlahiyyətlilərimiz yenə də layiqli cavab verməyə, cəmiyyətimizdə adekvat əhval-ruhiyyə formalaşdırmağa hazır olmadıqlarını nümayiş etdirir. Əslində mövcud hökumət özünü tamamilə hərəkətsizliyə həsr edib və məcazi mənada Ermənistanın qapıları indi düşmən təbliğatına, düşmənçilik fəaliyyətlərinə açıqdır”, - o qeyd edib.
Bir həftədir ki, itkin düşən hərbçilərin ailələrinə axtarışlara qatılmağa icazə verilib.
Yenisabah.az xəbər verir ki, bu barədə erməni mətbuatı məlumat yayıb.
Onun sözlərinə görə, axtarış işləri əsasən Füzuli və Cəbrayıl istiqamətində aparılır.
“Dünən Cəbrayılda 20, Talışda isə 1 hərbçinin meyiti tapıldı”, – Tadevosyan bildirib.

Видео Əsas xəbərlər 12.12.2020 (Xəbər Saatı) Zəngəzurdan İNANILMAZ XƏBƏR! канала Musa Media