«Կիրակնօրյա վերլուծական Թամրազյանի հետ», 19-ը հունվարի, 2020

Այսօր՝ «Կիրակնօրյա վերլուծական» հաղորդման եթերում.

• Սեփական բնակարանում հայտնաբերվել է Ազգային անվտանգության ծառայության նախկին տնօրեն Գեորգի Կուտոյանի դին։ Քրեական գործ է հարուցվել ինքնասպանության հասցնելու հոդվածով։ Բնակարանում հայտնաբերվել է քառասունից ավելի պարկուճ և գնդակ։

• Վերջին հինգ ամսում ուժային կառույցների նախկին ղեկավարների մահվան երրորդ դեպքն է արձանագրվում։ Թեմայի շուրջ զրուցել ենք Հանրային խորհրդի նախագահ, վերլուծաբան Ստյոպա Սաֆարյանի հետ:

• Ազգային անվտանգության ծառայության նախկին տնօրեն Արթուր Վանեցյանի շուրջ քաղաքական քննարկումները չեն դադարում։ Վարչապետի ընտանիքին պատկանող «Հայկական ժամանակ» թերթի հրապարակման համաձայն՝ Վանեցյանն ԱԱԾ տնօրենի պաշտոնում համակարգել է վարչապետին և նրա ընտանիքին վարկաբեկող մեդիա արշավը։

• Հաղորդման հյուրն է Հեռուստատեսության և ռադիոյի հանձնաժողովի նախագահ Տիգրան Հակոբյանը։

• Կառավարությունը սկսել է հեռուստաշուկայի գովազդի բաշխման ազատականացման գործընթաց։ Հեռուստաընկերությունների պատկանելությունը պետք է լինի թափանցիկ, սեփականատերերը՝ հանրությանը հայտնի։ «Հայաստանում կոռուպցիոներների հեռուստաընկերություններ կան, առնվազն երկու հեռուսաալիքի լոգոյի փոխարեն պետք է գրել կոռուպցիա»,- կառավարության նիստում հայտարարել է Փաշինյանը։

• Հաղորդման հյուրն է «Կառավարության տեղեկատվական-վերլուծական կենտրոն» ՊՈԱԿ-ի ղեկավար Հովհաննես Մովսիսյանը։

• Սահմանադրական բարեփոխումների մասնագիտական հանձնաժողովի ստեղծման գործընթացը մեկնարկել է: «Սահմանդրական փոփոխությունները Սահմանադրական դատարանի թնջուկի հանգուցալուծման հնարավոր տարբերակներից մեկն է»,- ասել է Ազգային ժողովի նախագահ Արարատ Միրզոյանը։

• Ռուսաստանի Դաշնության կառավարությունն այս շաբաթ հրաժարական տվեց։ Դրան նախորդել էր Կրեմլի ղեկավարի ամենամյա ուղերձը սահմանադրական փոփոխությունների վերաբերյալ։ Դմիտրի Մեդվեդևից հետո վարչապետի պաշտոնում Վլադիմիր Պուտինն առաջադրեց Միխայիլ Միշուստինին, որը 2010 թվականից ղեկավարում էր Դաշնային հարկային ծառայությունը:

Կիրակնօրյա վերլուծականն այսօր՝ ժամը 20:00-ին, Հրայր Թամրազյանի հետ:

Դիտեք «Ազատություն» TV-ի եթերում՝ Ucom ցանցի 222 ալիքով, http://tv.azatutyun.am/ հասցեով կամ մեր ֆեյսբուքյան և յութուբյան էջերով:

Видео «Կիրակնօրյա վերլուծական Թամրազյանի հետ», 19-ը հունվարի, 2020 канала Ազատություն