«Կիրակնօրյա վերլուծական Թամրազյանի հետ», 2-ը փետրվարի, 2020

Այսօր՝ «Կիրակնօրյա վերլուծական» հաղորդման եթերում.

• Նոր մանրամասներ զինծառայող Վահրամ Ավագյանի մահվան դեպքից: Պաշտպանության նախարար Դավիթ Տոնոյանի հաղորդմամբ՝ այս գործով ձերբակալված երեք զինծառայողից մեկը ՀՀԿ-ական նախկին պատգամավոր Առաքել Մովսիսյանի (Շմայս) որդին է: Վահրամ Ավագյանի հարազատներն այսօր առավոտյան փորձել են դին քայլերթով Արմավիրի մարզից տեղափոխել Երևան, ինչի ընթացքում մայրուղում ոստիկանների և հարազատների միջև բախում է տեղի ունեցել: Մանրամասները՝ «Կիրակնօրյա վերլուծական»-ի եթերում:

• Վարչապետ-ՍԴ նախագահ լարվածությունը խորանում է։ Գործադիրի ղեկավար Փաշինյանը պնդում է՝ Հրայր Թովմասյանն ընտրվել է կեղծիքներով և չպետք է պաշտոնավարի, ՍԴ նախագահն իրավական ապացույցներ է պահանջում։

• Ազգային ժողովի պաշտպանության հարցերի հանձնաժողովի նախագահ Անդրանիկ Քոչարյանի պնդմամբ՝ առաջիկայում հայտնի կլինեն Սահմանադրական դատարանի ճգնաժամի լուծման ուղիները։ Քոչարյանի հարցազրույցը՝ «Կիրակնօրյա վերլուծական»-ի եթերում։

• Հայաստանում հակահեղափոխության մի քանի փորձ եղել է. Հրայր Թամրազյանի հետ հարցազրույցում հայտարարել է Անվտանգության խորհրդի քարտուղար Արմեն Գրիգորյանը։

• Հայաստանի երրորդ նախագահը՝ ամբաստանյալի աթոռին։ Այս շաբաթ դատախազությունը Սերժ Սարգսյանին առնչվող բենզինի յուրացման քրեական գործն ուղարկել է դատարան։ Հայաստանի նախկին ղեկավարը մեղադրվում է պետական բյուջեից մոտ կես միլիարդ դրամի հափշտակությունը կազմակերպելու համար։

• Հանրապետական կուսակցության անդամ, պաշտպանության նախկին փոխնախարար Արտակ Զաքարյանի համոզմամբ՝ Սերժ Սարգսյանի մեղադրանքը շինծու է, նրա նկատմամբ քաղաքական հետապնդում է իրականացվում։ Մանրամասները՝ Արտակ Զաքարյանի հարցազրույցում։

• Ապրիլյան քառօրյա պատերազմը քննող խորհրդարանական հանձնաժողովում այս շաբաթ հյուրընկալվել է պաշտպանության նախկին նախարար Սեյրան Օհանյանը։ Նախկին նախարարը հանդիպում է խնդրել Ազգային ժողովի նախագահ Արարատ Միրզոյանի հետ։

Կիրակնօրյա վերլուծականն այսօր՝ ժամը 20:00-ին, Հրայր Թամրազյանի հետ:

Դիտեք «Ազատություն» TV-ի եթերում՝ Ucom ցանցի 222 ալիքով, http://tv.azatutyun.am/ հասցեով կամ մեր ֆեյսբուքյան և յութուբյան էջերով:

Видео «Կիրակնօրյա վերլուծական Թամրազյանի հետ», 2-ը փետրվարի, 2020 канала Ազատություն