ҰСТАЗДЫҚ ЖОЛЫНДАҒЫ ҰЛЫ БЕЛЕС

30 қараша мен 11 желтоқсан аралығында бастауыш 3-4 класс кафедрасының "Білімнің іргетасы - бастауыш мектеп" атты апталығы аясында мектебіміздегі ардагер ұстаздарымыздың бірі бастауыш сынып мұғалімі Куштаева Жадыра Төлейбайқызымен "Ұстаздық жолындағы ұлы белес" тақырыбында сыр сұхбат өтті.
Ісім оңсын десеңіз ,
Сол істің маманы болыңыз.
Даңқым шықсын десеңіз,
Көпшіліктің адамы болыңыз, - деп Әл-Фараби атамыз айтқандай, өз ісінің маманы, жас ұрпақты оқыту мен тәрбиелеуде біраз жетістіктерге жеткен аяулы ұстазымыз Төлебайқызы Жадыра апай сұхбат барысында 38 жыл бойы ұстаздық жолдындағы қиындығы мен қызығы туралы айтып ,жас мамандарға өз ақыл кеңісін берді. Өзінің осы білім ордасында тәлім алып жатқан шәкірттері тақпақтарын айтып , би де биледі. Сұхбат соңында мектеп жанынан ашылған телестудияға өз қолтаңбасын қалдырып, жас мамандарға ақ батасын беріп, ризашылығын білдірді. Әр адамның өз жолы бар, оны дара қылу өз қолымызда екені бүгінгі сыр сұхбаттың қонағы болған ардагер ұстазымыз соның дәлелі. Ұстаздық жолда ұлы белеске жетіп, өзіндік дара жол қалдыра білген Куштаева Жадыра Төлебайқызына мықты денсаулық, шығармашылық табыс тілейміз!

Видео ҰСТАЗДЫҚ ЖОЛЫНДАҒЫ ҰЛЫ БЕЛЕС канала Д Қонаев атындағы ЖББОМГ