Əhməd Cəmil - Məni yada salırmı - Kamran M. Yunis

Əhməd Cəmil - Məni yada salırmı
Bəstəkar - Vasif Adıgözəlov - " Şərikli çörək " film musiqisi

Ocaq sönür, yel esir, yagiş döyür səngəri...
Yenə düşür yadıma ömrün ötən günleri.
Hanı, hanı deyirem, o dilimin ezberi?
İlk görüş, son ayrılıq xatirinde qalırmı?
Görəsən o gözəl qız məni yada salırmı?
Ötən bulud, uçan quş! Mən burda, yar vətəndə..
Bəlkə düşdü yolunuz bir gün bizim də kəndə.
Görün bağa-eyvana sərin kölgə düşəndə
O qız yenə oxuyub, şən mahnılar çalırmı?
Görün hər nəğməsində məni yada salırmı?
Nə mən ürək edirəm yazım ona bir kağız,
Nə də mənə yazmayır o şən, o mehriban qız.
Bir biləydim, görəydim neyləyir indi yalqız?
O də məni düşünüb, heç xəyala dalırmı?
Görəsən o gözəl qız məni yada salırmı?
Dogrudur, bilmək olmaz könülləri uzaqdan,
Hər gün vurub salır yel bir yarpağı budaqdan...
Mənsiz su dolduranda hər dan üzü bulaqdan,
Bəzən heç doluxsunur, heç qanı qaralırmı?
Görəsən o gözəl qız məni yada salırmı?
Yan tonqalım, tüstülən, yan könlüm tək, ey ocaq!
İki kəlmə yazmağa mən üzsüz, yar utancaq...
Heç olmasa yazaydı o qız bircə söz ancaq...
Görəydim soraq edib məni xəbər alırmı?
Biləydim o gözəl qız məni yada salırmı?

Видео Əhməd Cəmil - Məni yada salırmı - Kamran M. Yunis канала Kamran M. YuniS