Orxan Bahadırsoy - Unutsaq - Kamran M. Yunis

Orxan Bahadırsoy - Unutsaq
Bəstəkar - Emin Sabitoğlu - " Park " film musiqisi

Sən bu yerin üzündə neçənci möcüzəsən?
Səni bilən tanrının hikmətini bilər, e!
Sən bu uşaq ruhuma verdiyim icazəsən,
qayğından xoşbəxt olar, qəzəbindən ölər, e!

Mən saray ümidimin divarına hər gecə
bir dəli həvəsiylə şəkil çəkirəm səni.
Sən bu xəstə ağlıma yazdığım müalicə -
fikrimə damcı-damcı hər gün tökürəm səni.

Sən heç üşümə deyə, yanaram öz külümə,
yanıb, keşik çəkərəm yanında ki, yatasan.
Susasa barmaqların, ovucların ölümə,
mən ölüm əllərində, sən arzuna çatasan!

Sənə qovuşmaq çətin, ayrılmaq ondan betər...
mən özümdən ayırıb hara göndərim səni?
Səni qoruya bilməz anan da mənim qədər,
kimə əmanət edim, kimə borc verim səni?

Bilirəm ki, sevinər Allah da mənim qədər,
sən bu göyün qatında əgər əlimi tutsan!
Fərqi yoxdur, iksi də Allaha ağır gedər,
sən də məni unutsan, mən də səni unutsam!

Видео Orxan Bahadırsoy - Unutsaq - Kamran M. Yunis канала Kamran M. YuniS