Aqşin Evrən - Qorxma, mən səninləyəm - Kamran M. Yunis

İndi Yer kürəsi sənin bəbəklərindən ibarətdir, xanım qız
Uşaq vaxtı qəndqabıdan qənd oğurlamağın da,
anana danışdığın yalanlar da ən böyük həqiqətdir indi
İndi sənin saçların üçün darıxır yastığın,
Güldanda boynunu büküb səni gözləyir çobanyastığı
Qarderobda üşüyür paltarın
İndi hətta səni arzulayır soyuducudakı dondurma payın da
Bəs görəsən, qaranlıq neçə dərəcədir dünyanın o biri tayında?

Pəncərənin şehindən su içir göyərçinlər
Utanma gəl, onlara bir az çörək qırıntıları bağışla
Ovcunu aç göy üzünə
Əl uzadıb salamlaş bu yağışla.

Yolumun gözü yol çəkir...
Gəlsən göy qurşağından sənə çələng hörəcəm
Vallah, təkcə gəlmək deyil,
sən hətta tez getsən də, mən də çox tez gələcəm.

Kəpənək qanadına adını yazır çiçəklər
Dünya səni gözləyir e, xanım qız
Hətta tənha qadınlar tək pəncərədən yola baxır dibçəklər.

Yağış istəsən əgər,
Ən gözəl yağış da sevinc göz yaşlarıdır, utanma, bir az ağla
Mən sənə şeir deyil, "yaşamaq" göndərirəm
Aç günahsız qollarını "yaşamağ"ı qucaqla...

Видео Aqşin Evrən - Qorxma, mən səninləyəm - Kamran M. Yunis канала Kamran M. YuniS