Paranjathanu Kuttam Nee Arinzhathanu Kuttam.../Yesudas

Movie Ivide Ee Nagarathil
Singer Yesudas
Lyrics Padmendra Prasad
Music G Sreeram

പറഞ്ഞതാണു കുറ്റം.. നീ
അറിഞ്ഞതാണു കുറ്റം
പലരും കൊതിക്കുന്ന നിൻ പ്രേമപുഷ്പത്തെ
പലവുരു ചോദിച്ചതെൻ്റെ കുറ്റം...

കരിനീലക്കണ്ണിലെ കാതരഭാവത്തെ
കവിതയായ് കണ്ടതും എൻ്റെ കുറ്റം
പുഞ്ചിരിപ്പൂവിതൾ ചുണ്ടത്തു കണ്ടപ്പോൾ
എന്തിനോ വെമ്പിയതെൻ്റെ കുറ്റം
എന്തിനോ വെമ്പിയതെൻ്റെ കുറ്റം...

അനുവാദമില്ലാതെ സ്വപ്നങ്ങൾ കണ്ടതും
അനുരാഗമാല ഞാൻ അറിയാതെ കോർത്തതും
അതിമോഹമാണതെന്നോർക്കാതെ പോയതും
അതിഹീനമായി ഞാൻ ചെയ്ത കുറ്റം...

ഒന്നല്ല നമ്മുടെ പാതകൾ..
ഒന്നല്ല നമ്മുടെ പാതകൾ എന്നു നീ
ചൊന്നതു കേൾക്കാഞ്ഞതെൻ്റെ കുറ്റം
പിരിയുക നാമിനി..
പിരിയുക നാമിനി എന്ന നിൻ വാക്കിൻ്റെ
പൊരുളോർത്തു വിങ്ങിയതെൻ്റെ കുറ്റം
പൊരുളോർത്തു വിങ്ങിയതെൻ്റെ കുറ്റം...

തീവെയിൽ പാറുന്ന ജീവിതവീഥിയിൽ
നീ വെയിൽ കൊള്ളാതെ തളരാതെ പോകുവാൻ
തണലായി തീരുവാൻ ആശിച്ച ഞാൻ നിൻ്റെ
നിഴലായി തീർന്നതും എൻ്റെ കുറ്റം
നിഴലായി തീർന്നതും എൻ്റെ കുറ്റം...

Видео Paranjathanu Kuttam Nee Arinzhathanu Kuttam.../Yesudas канала D K