Ақтөбеде мұнай жабдықтары зауытының 300-ге жуық жұмысшысы таң атпай наразылыққа шықты

Бүгін Ақтөбедегі мұнай жабдықтары зауытының үш жүзге жуық жұмысшысы наразылыққа шықты. Таң атпай жұмыстарын тоқтатқан олар зауыттың Маңғыстау облысына көшірілуіне түбегейлі қарсы. Өйткені кәсіпорын Жаңаөзенге ауыстырылса қазір жұмыс істеп жүрген 250 адам далада қалады дейді олар. Ал зауыт басшылығы болса 8 миллиард теңгеге тендер ұйымдастырған Маңғыстаудағы ең ірі «Өзенмұнайгаз» компаниясы талапты орындауға мәжбүрлеп отыр дейді.
Зауыттың Маңғыстау облысына көшірілетінін естіген жұмысшылар бүгін осылай бас көтерді. Олар мұнай өндіруге қажетті сорғылау жабдықтарын шығаратын еліміздегі жалғыз кәсіпорынды Ақтөбеден Жаңаөзенге көшірудің қаншалықты маңызды екенін түсінбей дал. Енді екі жүзден аса адам жаңа жылда жұмыссыз қаламыз ба деп алаңдап отыр.
ҚАЙДАР МҰСТАФИН, жұмысшы:
– Кеше ғана естідік, осы зауытты жауып, Өзен қаласына көшіру туралы. Сол үшін бүгін барлық жұмысшылар жұмысты тоқтаттық. 250 адам жұмыс жасап жатыр осында. Оның бәрі қалай армандарынан қол үзеді. Мен өзім деп сөйлемеймін, мына халықтың атынан сөйлеймін. Менде бар кредит халықта бар. Менде бар ипотека халықта бар.
СЕРІК ТАСМИНОВ, жұмысшы:
– Бізді қазір таратып жіберсе, мен болсам пенсияға екі жыл қалды. Бір жыл, жарты жыл қалғандар бар. Қайда барамыз біз? Бізді кім жұмысқа алады? Соны мен түсінбеймін. Жоғарыдағылар не ойлайды? Менімше бұл чисто бизнес. И все. Біреудің қалтасы,біреудің жағдайы солай.
Ал зауыт басшылары болса кәсіпорынды Жаңаөзенге көшіру үшін сегіз миллиард теңгеге тендер жариялаған «Өзенмұнайгаз» компаниясы талап қойып отырғанын айтады. Алайда әкімдіктегілер «Өзенмұнайгаз» компаниясынан бастап «Самұрық Қазынаға» дейін шығып, зауытты көшіру экономикалық жағынан тиімсіз екенін дәлелдеп жатырмыз дейді.
ҚАЙРАТ БЕКЕНОВ, Ақтөбе облысы әкімінің орынбасары:
– Экономикалық талдау бойынша бұл зауытты көшіру тиімсіз. Неге десеңіз бүгінде шығарылатын тауар тек қана бір ғана аудан, қалаға тапсыратын тауар емес. Бұл жалпы мемлекетіміздің мұнай шығаратын барлық өңірлеріне, аудандарға жіберетін тауар. Осы мәселені біз әріптестермен талдадық. Экономикалық тұрғыдан жеткіздік. Жалпы «Самұрық қазына» толығымен бізбен келісіп жатыр.
ЖАНАР ҚОЖАНОВА, тілші:
– Қазір жылына жеті миллиард теңгеге жуық тапсырыс орындайтын зауыттың Ақтөбеден көшу- көшпеу мәселесі Нұр-сұлтанда талқыланып жатыр екен. Әкімдіктелігер мәселе ертеңге дейін шешілу керек деп отыр.
Жанар Қожанова, Бағдат Баймурзин
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео Ақтөбеде мұнай жабдықтары зауытының 300-ге жуық жұмысшысы таң атпай наразылыққа шықты канала Информбюро 31