Нұр-Сұлтанда бір топ ана Ақ Орда маңына жиналып, тегін баспана беруді талап етті

Елорданың ақ қары мен көк мұзы аналарды тоқтата алмайды! Нұр-Сұлтанда бір топ ата-ана Президенттен көмек сұрап Ақ Орда маңына жиналды. Мүгедек бала тәрбиелеп отырған олар Үкіметтен тегін баспана беруді талап етті. Бұған дейін әкімдікке де, парламентке де барып еш жауап ала алмаған ата-аналардың Президентке барудан басқа амалы қалмапты.
Өзге емес, Президенттің өзінен көмек сұрап келген ата-аналарды көк киім киген арнайы жасақ қарсы алып, осылайша жолдарын бөгеді. Бума-бума қағаз ұстағандар суықтан дірдектеп тұрған соң ба, әйтеуір полицейлер 4-5 адамды Президент әкімшілігіне хат тапсыруға өткізді.
БОЛАТБЕК БІЛӘЛОВ, азаматтық белсенді:
– айтып жатыр жалға үй береміз, бірақ сіздер очередьтен шығып кетесіздер. Естіп жатырмыз ғой Петропавлда 150 адамды арендное жильедан қуып жатыр деп. Енлді мыналарды да қуып жіберсе сосын ертең не болады?
Ақ Орда маңына жиналғандардың бәрі неше жылдан бері үй кезегінде тұрғандар. Мүгедек баланы бағып отырғандықтан жұмыс істей алмайды екен. Араларында, тіпті, жалғызбасты аналар да бар. Жәрдемақыға телміргендер үй сатып алайын десе де бөгет көп деп отыр.
ГҮЛЗАДА ҚҰДАЙБЕРГЕНОВА, Нұр-Сұлтан қаласының тұрғыны:
– Ешқайсына өтпейміз, не подходим даже. Жилстройға да бардық. Жарайды оған да көніп бардық. Оған да өтпейміз сесебі біз балаларды воспитовайт етіп үйде отырмыз. Біздің зарплат жоқ.
Ал бүгін мүмкіндігі шектеулі азаматтардың мәселесі Үкімет отырысында көтерілді. Министрлер денсаулығында кінәрат барларды жұмыспен қамтып, алдағы 5 жылда олардың барлығы бірдей оңалтудан өте алатындай жағдай жасап, мүгедектер үшін кедергісіз орта қалыптастырмақ. Сондай-ақ жалпы білім беретін мектептерде мүмкіндігі шектелгендердің барлығымен бірдей тең дәрежеде оқуын да ойластырып қойыпты. Бұл «Нұр Отан» партиясының сайлауалды бағдарламасына енген міндеттер. Дегенмен Үкімет те, партия да оларды баспанамен қамтамасыз ету мәселесін естен шығарып алған сияқты.
Гүлназ Сайлауқызы, Дидар Елеуов
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео Нұр-Сұлтанда бір топ ана Ақ Орда маңына жиналып, тегін баспана беруді талап етті канала Информбюро 31