Обращение к Пророку | Аварский нашид | Группа Ихляс

Исполнитель: Группа Ихляс
Нашид: Аварагасдехун гьабураб мунажат
MP3: https://t.me/Nasheed_Channell/161

Подпишись на мой канал
https://www.youtube.com/c/RamazanKazanbiev

Слова нашида:

АлхIамдулиллагь — рецц БетIергьанасе,
ТIолго махлукъалъе ризкъи биччалев,
Заррабаз хIалтIараб, ЛавхIалда хъвараб
ХIукму-къадар гьабун гIалам хьихьулев!

Цинги салат-салам Аварагасде
Динул-Исламалъул саййидлъун вугев,
Инсанлъун ракьалда вижи гурони,
Жиндир хIикматазул хIисаб лъаларев!

ХIабиб, дур умматлъун дун вижарасе
Фидят гIемер буго, гIумру ун буго,
ГIадилав Ханасда цеве чIеялъул
Ургъел цIикIкIун буго, дун хIинкъун вуго.

Диналъул кIвар гьечIеб, кIарчанаб чорхол
Чанги гIузру буго Бичасда лъалеб.
Бицун хIалкIоларел хатIаратазул
Хивал гIемер буго каранда жаниб.

Кинниги БетIергьан — Гъафур вугелъул,
Гъуфраналдаса хьул къотIун кколаро,
Къадирасул ХIабиб мунги вугелъул,
Дур шафагIаталде анищ гьабула.

Аллагь разилъиги — мун вокьилъидал,
Вокьаралгун рахъин хIакъабгилъидал,
ХIабибилан ахIун, АхIмадин цIалдон,
ЦIоб гIатIидав Аллагь гурхIи гьарила.

Дунял къалъулеблъун бакъ бихьаниги,
КъутIбуясул гьурмал гьелъулъ нур буго,
Гьаваялда цIваби цIикIкIун кканиги,
ЦIар берцинав ТIагьал тIокIлъана гвангъи.

ТIолго анбияал хиралъаниги,
Хас гьавуна ХIабиб РахIманас аскIов,
Эзул даражаби цIикIкIун хъвалелъул
Хъвана Расуласул исму ГIаршалда.

ГIаламалъул саййид — эв вукIин лъайзе,
Эсул бицен камун китаб рещтIинчIо.
Камилазул асил загьир гьавизе,
Зобал, ракьал цIурал махлукъ бижана.

Живго БетIергьанас салатги битIун,
ТIокI гьавуна АхIмад анбияазулъ.
Удну МухIаммадан хитIабги гьабун,
Халкъалъе рахIматлъун вищана тIаса.

#Нашид #Мавлид #Ихляс #Дагестан #дагестанцы

Видео Обращение к Пророку | Аварский нашид | Группа Ихляс канала NASHEED CHANNEL