Қала әкімі Асхат Шахаров пен «Алматы» ауданының әкімі Абат Көбенов Заречный ауданы тұрғындарымен кез

Бүгін №61 мектепте қала әкімі Асхат Шахаров пен «Алматы» ауданының әкімі Абат Көбенов "Көктем", "Балауса", "Жібек жолы", "Заречный-4", "Мағаджан", "Сая" тұрғын алаптарының тұрғындарымен кездесті. Халық алдында әкімдер өткен жылда атқарылған жұмыстарға есеп беріп, осы жылы жасалатын жұмыстардың жоспарымен бөлісті. Бүігінгі жиында "Көктем", "Балауса", "Жібек жолы", "Заречный-4", "Мағаджан"," Сая " тұрғын алаптарының тұрғындары өз ұсыныстарымен бөлісіп, арыз-шағымдарын ортаға салды. Олар қала басшысынан ауылдарында қоғамдық көлікті көбейтуін, жолдардың жөнделуін, балаларға арналған ойын алаңдарын салуды, спорт кешені тұрғызуды сұрады. Қазіргі таңда "Жібек жолы" тұрғын алабындағы Ер Тарғын көшесін асфальттауға конкурс жарияланған. Мұнда 5 аялдама орнату жоспарлануда. Сонымен қатар, Жібек жолы №77 учаске мекенжайына бір воркаут және балалар ойын алаңын салу жоспарлануда. Ал, "Балауса" тұрғын алабында емхана жоқ. Сонымен қатар, кей көшелерге атау беріліп, тақтайшалар ілінбеген. Тұрғындар жолға қиыршық тас төселу керектігін де атап өтті. "Балауса" тұрғын алабындағы №46- мектептен Хромтау трассасына дейін автомобиль жолының құрылысына да конкурс жарияланды. Мұнда саябақ салу жоспарлануда. Жоба бойынша футбол алаңы, балалар және спорт алаңы қарастырылған. Сондай-ақ, Қ.Медетов көшесі №47 үй жанына, Орталық көшесіндегі №11 үй жанына воркаут алаңы, Н.Имашев көшесі 20 үй жанына, 619 Б учаске жанына балалар алаңын салу жоспарлануда.Қазіргі таңда "Көктем" тұрғын алабының "Телефонная" көшесін күрделі жөндеу жұмыстарына конкурс жарияланды. Ал «Халық қатысатын бюджет» жобасы аясында осы жылы "Көктем" тұрғын алабында көлемі 20х15м балалар ойын алаңын орнату жоспарлануда. Оған жауапты мердігер мекеме «Бизнес Строй» ЖШС . Сонымен қатар, мұнда №50 орта мектеп жанына 1 аялдама орнату жоспарда бар. Одан бөлек, 1 воркаут алаңы мен балалар ойын алаңы салынатын болады. Заречный-4-тегі Жиембет жырау көшесіне 2 аялдама, Желкен №34 үй жанына 1-воркаут алаңын орнату жоспарда бар. Ал, "Сая" тұрғын алабын газ желісімен қамтамасыз ету үшін қаражат бөлінді. Осы жылы су желісін жүргізу бойынша құрылыс- монтаж жұмыстарын жүргізу жоспарлануда.

Сайт телеканала http://www.rikatv.kz/
Twitter https://twitter.com/rika_kz
Вконтакте https://vk.com/rikatv

Видео Қала әкімі Асхат Шахаров пен «Алматы» ауданының әкімі Абат Көбенов Заречный ауданы тұрғындарымен кез канала РИКА ТВ