Қалада жаңа көтерме және бөлшек сауда базары ашылады

Қалада 30- сәуір күні жаңа көтерме және бөлшек сауда базары ашылады. Мұнда ет-сүт, балық, көкөніс, жеміс-жидек түрлері, кондитерлік өнімдер, жартылай фабрикаттар, ыдыс аяқ, тіпті балалар киімі саудаланатын болады. Тауарлар құны өзге ірі сауда орындарымен салыстырғанда 10-15 пайызға арзан болады. "Заречный" деп аталатын жаңа базар Жібек жолы- 3 тұрғын үй массивінде орналасқан. Бұл қаладағы ең ірі сауда орындарының бірі. Базар әкімшілігі жеке кәсіпкерлерге тиімді шарттармен сауда орындарын жалға беруге дайын. Кәсіпкерлерге тауарды сатуға арналған орынмен бірге керекті жабдықтар беріледі. Бір сауда орнының бағасы 14-20 мың теңге аралығында. Базардың төменгі қабатында көтерме сауда бөлімі мен мұздату камералары орналасқан қоймасы бар. Орынды жалға алушылардың қауіпсіздігі үшін базар заманауи күзетпен және бейнебақылау жүйесімен жабдықталған. Сауда орнында өнімнің сапасын қадағалайтын зертхана да бар. Көтерме және бөлшек сауда базарында ірі қара және ұсақ малдардың еттері, балық түрлері, бакалея өнімдері, жеміс-жидек түрлері, көкөністер, кондитерлік өнімдер, жартылай фабрикаттар, ыдыс аяқ, тіпті балалар киімі саудаланатын болады. Тауарлар құны қаладағы ірі сауда орындарымен салыстырғанда 10-15 пайызға арзан болады. Жаңа базар 30-сәуірде ашылады. Сауда нысаны Жібек жолы- 3 тұрғын алабында, Хромтау қаласына шыға берісте, жол бойында орналасқан.
Сайт телеканала http://www.rikatv.kz/
Twitter https://twitter.com/rika_kz
Вконтакте https://vk.com/rikatv

Видео Қалада жаңа көтерме және бөлшек сауда базары ашылады канала РИКА ТВ