Ami dhe Johan MUKA në koncertin recital pianistik "HAPËSIRA EVROPIANE"

Kjo është një kronikë e transmetuar nga televizioni NEWS 24, mbi koncertin recital pianistik “Hapërsirë Evropiane”, ku interpretuan e Ami dhe Johan MUKA, nën drejtimin e .pedagoges Vjollca STAMO
Ditën e hënë, 15 qershor 2015, në sallën e koncerteve të Ministrisë së Kulturës në Tiranë, dy pianistët e rinj, Ami dhe Johan MUKA, motër e vëlla, ishin protagonistë të koncertit recital “Hapësirë Evropiane”, organizuar nga Qendra e Medias ABC. Në përfundim të vitit shkollor me rezultate të larta, ata ishin në “provimin” e fundit, duke sjellë për të ftuarit pjesë të zgjedhura nga autorë të njohur si Bach, Chopin, Moxart, Czerny, Diabel, Harapi etj.
Ami Muka, e cila sapo ka mbaruar klasën e pestë në shkollën 9-vjeçare “Dëshmorët e Lirisë” dhe Johan Muka, që përfundoi mësimet në klasën e dhjetë në shkollën e mesme të përgjithshme “Petro Nini Luarasi”, kanë ndjekur kurset e pianos që nga klasa e parë, nën kujdesin e drejtpërdrejtë dhe të përkushtuar të mësueses Vjollca STAMO.
Me pasion dhe me këmbëngulje ata kanë përballuar me shumë sukses pjesëmarrjen në provimet vjetore, por dhe në konkurse të ndryshme në nivel kombëtar, si “Pianisti i Ri” dhe “Duete Pianistike”, të organizuara në Tiranë dhe në Vlorë, ku janë nderuar me çmime për interpretimin cilësor të pjesëve të autorëve vendas dhe të huaj.
Ky është koncerti i dytë recital i përbashkët për Amin dhe Johanin. Më 11 maj të vitit 2013 ata ishin protagonistë të një koncerti tjetër recital pianistik, titulluar “Tingujt e Paqes”, zhvilluar në sallën e Qendrës së Kulturës, Medias dhe Botimeve të Mbrojtjes në kryeqytet. Eventi ishte pjesë e kalendarit kulturor “Java Evropiane” dhe i dedikohej fëmijëve dhe familjarëve të ushtarakëve shqiptarë të angazhuar me misione paqeruajtëse jashtë vendit.
ABC MEDIA CENTER

Видео Ami dhe Johan MUKA në koncertin recital pianistik "HAPËSIRA EVROPIANE" канала ABC TIRANA CLUB