Elbasan dhe Durrës - Projekti i ABC Tirana Club mbi edukimin mediatik të studentëve

Kjo është një përmbledhje audiovizive e projektit studentor të ABC Tirana Club, që u realizua në periudhën janar - korrik 2020, në Universitetin “Aleksandër Xhuvani” në Elbasan dhe Universitetin “Aleksandër Moisiu” në Durrës.
Gjatë realizimit të -projektit "Kuptimi dhe vlerësimi në mënyrë kritike i përmbajtjeve mediatike nga studentët", u identifikua dhe se sugjestionimi nga përmbajtjet fake news apo nga informatat e deformuara – apo kur merret shabllon gjithçka që pasqyron e trajton media – kjo shoqërohet dhe me efekte negative te studentët. Të pranishmit në forumet e diskutimit që u realizuan në Elbasan dhe Durrës përmendën faktin se në fushën e edukimit për median dhe informacionin ka mangësi dhe sepse në stadet e mëparshme të shkollimit nuk është folur, nuk është diskutuar, apo nuk ka pasur hapësira sa duhet në kurrikulat mesimore.
Pjesmarrësit debatuan dhe mbi treguesit e një sondazhi që është realizuar kohët e fundit dhe me studentët e dy universiteteve publike në Elbasan dhe Durrës, mbi mendimet dhe perceptimet e tyre mbi rolin dhe ndikimin e medias, si dhe tiparet e sjelljes së saj në raport me publikun, me protagonistët e politikës, biznesit, grupet e ndryshme të interesit, shoqërinë civile etj.
“Kuptimi dhe vlerësimi në mënyrë kritike i përmbajtjeve mediatike nga studentët” ishte një projekt studentor që u mbështet me fonde të Bashkimit Evropian në kuadër të projektit rajonal “Media për Qytetarët – Qytetarët për Media".

Видео Elbasan dhe Durrës - Projekti i ABC Tirana Club mbi edukimin mediatik të studentëve канала ABC TIRANA CLUB