Mayor ng Pandag, Maguindanao, naaresto sa kasong murder; agad naospital dahil sa paninikip ng dibdib

Dinala sa ospital dahil sa paninikip ng dibdib matapos maaresto sa kasong murder si Pandag Maguindanao Mayor Khadaffe Toy Mangudadatu habang nasa Davao City.

Inihain ng Criminal Investigation and Detection Group o CIDG-BARMM ang warrant of arrest kay Mangudadatu habang ito ay nasa Royal Mandaya Hotel sa Davao City nitong Sabado ng hapon, Setyembre 10.

Ayon kay CIDG BARMM Acting Regional Director Lt. Col. Bernard Lao, ang arrest warrant ay may kinalaman sa kasong pagpatay sa mag-asawang Abdullah at Lala Ligawan noong Oktubre 7, 2010 sa Brgy. Sinakulay, President Quirino, Sultan Kudarat.

Idinawit ng mga suspek na nahuli sa krimen si Mayor Mangudadatu bilang may kinalaman sa pagpatay.

Nang maaresto, bigla umanong nanikip ang dibdib at hirap huminga si Mangudadatu kaya dinala ito sa ospital.

Kasalukuyan siyang nasa kustodiya ng CIDG-BARMM habang nilalapatan ng lunas sa ospital.

--------------------------
We deliver the newest news fast, fresh, clear, and accurate thru our Radyo Agila reporters, correspondents and stringers all over the world.

Official website: www.radyoagila.com
Subscribe to our Telegram: https://t.me/radyoagila
Twitter: https://twitter.com/Radyo_Agila1062
Instagram: instagram.com/radyoagila
YouTube: https://www.youtube.com/RadyoAgila1062

Видео Mayor ng Pandag, Maguindanao, naaresto sa kasong murder; agad naospital dahil sa paninikip ng dibdib канала Radyo Agila