Cəmil Həsənlinin qızı Günel Həsənlinin videosunun müzakirəsi - QALMAQAL

Rusiya müdafiə nazirinin müavini Xankəndinə hansı yolla gəlib-Bakı narahat olmalıdırmı? Rusiyanın müdafiə nazirinin müavini Dmitri Bulqakov Xankəndində 250 nəfərlik növbəti blok-modul tipli şəhərciyin açılış mərasimində iştirak edib. Aprelin sonlarında Qarabağda Rusiya sülhməramlıları üçün səyyar hospital qurulacaq. Bulqakovun sözlərinə görə, yaxın gələcəkdə Laçın və Şuşa da daxil olmaqla, müxtəlif yaşayış məntəqələrində bir o qədər daha şəhərcik salınacaq. Bu barədə Rusiya Müdafiə Nazirliyinin mətbuat xidmətinin məlumatında deyilir.
Xatırladaq ki, Azərbaycan, Rusiya və Ermənistan arasında 5 illik üçtərəfli saziş imzalandıqdan sonra Qarabağa 2 min Rusiya sülhməramlısı yerləşdirilib. Mövzuda üç mühüm məsələni araşdırmaq. 1) Rusiyanın rəsmi şəxsi Xankəndinə hansı yolla gəlib (ola bilsin Gəncəyə, orada Xankəndinə gəlib), niyə Bakıda olmadı? Niyə Azərbaycan XİN (və ya Müdafiə Nazirliyi) səfərlə bağlı məlumat yaymadı?
2) Rusiyanın Şuşada da sülhməramlılar üçün şəhərcik tikəcəyi nə deməkdir, çünki Şuşa ətrafında sülhməramllılar olsa da, şəhərdə onlara ehtiyac yoxdur. 3) Sülhməramlıların statusu nə vaxt razılaşdırılacaq?
"İsgəndər” yenə niyə “partladı”-müəmmalı gəlişmə... Azərbaycan Ərazilərinin Minalardan təmizlənməsi üzrə Agentlik – ANAMA Şuşada iki ədəd “İsgəndər” raketinin qalıqlarının aşkar edildiyi barədə məlumat yayıb. Agentliyin adı açıqlanmayan nümayəndəsi deyib ki, 2020-ci ilin dekabrından etibarən agentlik Şuşada işləyir, burada martın 2-də iki raketin qalıqları tapılıb, üzərindəki nömrələr bu raketlərin “İsgəndər” olduğunu təsdiq edir. Üzərində seriya nömrələri yazılan raket hissələrinin fotoşəkilləri dərc edilib. Rusiya Müdafiə Nazirliyinin nümayəndəsi İqor Konaşenkov baş nazir Nikol Paşinyanın Azərbaycana qarşı “İsgəndər” raketlərindən istifadə olunduğu, amma onların cəmi 10% partladığı haqqında bəyanatını təkzib etmişdi. İqor Konaşenkov bildirmişdi ki, İkinci Qarabağ Müharibəsi zamanı Ermənistan bir “İsgəndər” raketindən belə istifadə etməyib. Bütün döyüş sursatları anbarlardadır. İndi bu məsələnin ortaya çıxması bir tərəfdən Paşinyanı haqlı çıxarır, Rusiyanın isə təkzibini heç edir. ANAMA-nın mətbuat xidməti “Turan”a faktı nə təsdiq, nə təkzib edib, əlavə şərh verməyib. Bu informasiyanın indi ANAMA tərəfindən gündəmə gətirilməsinin səbəbləri nə ola bilər? Bu Rusiyanın yalanını üzə çıxarır, həm də Ermənistanın müharibədə məkrli niyyətini.
Video qalmaqalı, Qarabağdakı son vəziyyət, cəzalandırılacaq məmurlarla bağlı gözlənti....

Bu və gündəmdəki bir çox mövzuları "Canlı debat"da iqtidar-müxalifət debatı formatında müzakirə edəcəyik. YAP-çı deputat Elman Nəsirovla AXP sədri Pənah Hüseyn ölkə gündəmini müzakirə edirik.

Видео Cəmil Həsənlinin qızı Günel Həsənlinin videosunun müzakirəsi - QALMAQAL канала TV Musavat