Zaur Qəriboğlu ilə CANLI! Ölkə gündəmi: Ərdoğan qapalı görüşdə Şahin Mustafayevə nə deyib...

Reaksiya TV-nin rəhbəri Zaur Qəriboğlu ilə ölkə gündəmini müzakirə edirik.

Fransanın ermənipərəst deputatları yenidən Qarabağa qanunsuz səfərə hazırlaşırlar. Təbii ki, rəsmi Bakının razılığı olmadan. Bu haqda qondarma “Fransa-artsax dostluq qrupu”nun fransalı sədri, deputat Qi Tessinin məktubunda deyilir. Artıq erməni mediası indidən bunu keçmiş separatçı rejimin təbliği üçün istifadə eləməyə başlayıb.

Azərbaycan bu təxribatın qarşısını almaq üçün hansı tədbirləri görəcək? Ümumiyyətlə, ərazimizə Bakının icazəsi olmadan girişlər nə vaxt dayandırılacaq? Bəs Rusiya sülhməramlıları onları buraxacaqmı ərazimizə?

Ərdoğan dünən Ankarada Azərbaycan baş nazirinin müavini Şahin Mustafayevi qəbul edib. 45 dəqiqə çəkən görüş qapalı keçib. Bəllidir ki, Mustafayev Azərbaycan, Rusiya və Ermənistan baş nazirlərinin müavinləri səviyyəsində yaradılan və bölgədə nəqliyyat yollarının və açılması üçün nəzərdə tutulan üçlü işçi qurumun həmsədridir. Bu xüsusda qardaş ölkənin maraqları konkret nədən ibarətdir?

Rusiyanın Ermənistandakı “İsgəndər” kompleksləri ətrafında növbəti müəmma: Şuşaya raketlər Rusiyanın Gümrüdəki bazasındakı “İsgəndər”dən atılıb? Sual “Caliber”in süjetində yer alır: “2-ci Qarabağ müharibəsində operativ-taktiki raketlərdən istifadə məsələsində yeni detallar üzə çıxıb. Məlum olub ki, ANAMA Şuşa ətrafında iki ədəd “İsgəndər” raketinin qalıqlarını aşkar edib. Raketin Ermənistan ordusunun ixtiyarında olan “İsgəndər E” indeksli modelə deyil, məhz Rusiya Silahlı Qüvvələrinin istifadə etdiyi “İsgəndər M” modifikasiyasına aid olması ciddi suallar doğurur”. Süjetdə raketlərin bu iki növü arasındakı fərq izah olunur. Belə ki, “E” versiyasının məhz ixrac üçün nəzərdə tutulduğu bildirilir. Şuşada qalıqları tapılan “İsgəndər”lərin üzərindəki “M” nişanları isə onların məsələn, Gümrüdəki 102-ci Rusiya hərbi bazasından buraxılmasını ehtimal etməyə əsas verir. Yəni sırf Rusiyanın nəzarətində olan komplekslərdən söhbət gedir. Süjetdə həmçinin Şuşaya atılan “İsgəndər”lərin partlamadığı da qeyd olunur. Rusiya bu qalmaqallı olaya reaksiya verəcəkmi?

Nəcməddin Sadıqov mübhəmi hələ də davam edir. Bu mövzu da müzakirəmizdədir. Cəmil Həsənlinin qızı və onun videosu ətrafında davam edən qalmaqal qismən səngiyib, lakin çoxsaylı suallar və hadisə hələ də açıq qalıb. Suallarsa çoxdur...

Bu və gündəmdəki bütün mövzuları Reaksiya TV-nin rəhbəri Zaur Qəriboğlu ilə müzakirə edirik. Müzakirədə tamaşaçılarımız da iştirak edə bilər.

Видео Zaur Qəriboğlu ilə CANLI! Ölkə gündəmi: Ərdoğan qapalı görüşdə Şahin Mustafayevə nə deyib... канала Tv Musavat