Валид ДАГАЕВ - Лойша Суна

ЛОЙША СУНА

Лойша суна шийла шовда,
Амма цIена шовда ло!
Адмийн дегнаш чуьра мекха
ДIаяьккхина цIандийр ду.

Лойша суна, безам лойша,
Амма сирла безам ло!
Дерриг халкъаш, барт цхьаъ бина,
Бертахь даха ховшор ду.

Лойша суна сийна стигал,
Амма цIена стигал ло!
ХIай адамаш! Лаьттахь, стиглахь
Ас машар дIахIоттор бу!

Лойша суна, аш ирс лойша,
Дуьненнал ирс суна ло!
Сайна пайда цунах ца беш,
Шуна ас и дIалур ду!

Даймахкера безам гайта,
ДоттагIий, аш таро ло!
Цуьнан дуьхьа муха веха,
Муха ле ас гойтур ду!..

Видео Валид ДАГАЕВ - Лойша Суна канала neqaho