Бүгін Алғадағы «Парижская коммуна XXI» ЖШС-нің жұмысшылары қалада ереуілге шықты

Бүгін Алғадағы «Парижская коммуна XXI» ЖШС-нің жұмысшылары қалада ереуілге шықты. Түстен кейін Қазақстан халқы ассамблеясы ғимараты алдына жиналған 500-ге тарта жан жаһанды жайлаған пандемия кезінде жұмыссыз қалғандарын айтады. Олар шошқа фермасына қатысты қолданылған шешім көп отбасын кіріссіз қалдырғанын жеткізді. «Парижская коммуна XXI» ЖШС-нің 500-ге жуық жұмысшысы бір мезетте іссіз қалды. Ертемен фермаға келген адамдар өзжұмыс орындарына өте алмаған. Оларға барлық есепшоттар жабылып, бүгіннен бастап жұмыс тоқтағандығы туралы мәлімет берілген. Серіктестік өкілдерінен бұдан артық ақпарат ала алмаған жұмысшылар өз қаражаттарына автобус жалдап, облыс орталығына жеткен. Бес автобусқа тиеліп келген олар Қазақстан халқы ассамблеясы ғимараты алдында құзырлы органдардан әрі қарайғы тағдырлары не болатындығы жөнінде нақты жауап берілуін талап етті. Бірақ оларға ешкім келмеді. Қара халыққа карантин кезінде жұмыс табу оңай емес. Ақша таппасақ қалай күн көреміз деп налиды, ереуілшілер. Бірден тараса қоймаған ереуілшілерге кейіннен жергілікті полиция басқармасының бастығы келіп, барлық жұмысшыларды Алға ауданы әкімінің орынбасары қабылдауға дайын екенін жеткізді. Аудан әкімінің орынбасары дәл қазіргі сәтте анықталып отырған соңғы мәліметтермен бөлісуге уәдесін берген. Облыс орталығында мәселелері шешілмеген жұмысшылар автобустарына мініп, елдеріне қайтты.

Сайт телеканала http://www.rikatv.kz/
Twitter https://twitter.com/rika_kz
Вконтакте https://vk.com/rikatv

Видео Бүгін Алғадағы «Парижская коммуна XXI» ЖШС-нің жұмысшылары қалада ереуілге шықты канала РИКА ТВ