Əsas xəbərlər 13.12.2020 (Xəbər Saatı) Qarabağda İNANILMAZ XƏYANƏT! - ŞOK!

Son görüşümüzdən uzun müddət keçib, bu, ötən il olmuşdur. Bu vaxt ərzində bir çox hadisələr baş vermişdir. Birincisi, pandemiya bütün dünyada vəziyyəti tamamilə dəyişmişdir. Bununla yanaşı, Ermənistan-Azərbaycan Dağlıq Qarabağ münaqişəsinin həlli regionda vəziyyəti dəyişdirmişdir.
Yenisabah.az xəbər verir ki, bu sözləri Prezident İlham Əliyev ATƏT-in Minsk qrupunun Fransadan olan həmsədri Stefan Viskontini, ABŞ-dan olan həmsədri Endrü Şoferi, Rusiyanın Azərbaycandakı fövqəladə və səlahiyyətli səfiri Mixail Boçarnikovu və ATƏT-in fəaliyyətdə olan sədrinin şəxsi nümayəndəsi Anji Kaspşiki qəbul edərkən deyib.
Ölkə başçısı bildirib ki, hazırda regionda tamamilə yeni vəziyyət mövcuddur:
“Azərbaycan 30 ilə yaxın davam edən münaqişəni həll etdi, buna güc yolu və siyasi vasitələrlə nail oldu. Mən həmsədr dövlətlərin başçılarından olan Prezident Putinin dedikləri ilə razılaşıram ki, Dağlıq Qarabağ münaqişəsi artıq tarixə qovuşub. Mən də həmin fikirdəyəm.
Təəssüflər olsun ki, Minsk qrupu münaqişənin həllində heç bir rol oynamayıb. Halbuki bunu etmək üçün Minsk qrupu 28 il ərzində müvafiq mandata sahib idi. Mən son 17 il ərzində danışıqlarda iştirak etmişdim. Lakin müharibə zamanı dediyim kimi, Minsk qrupunun ideyalarla çıxış etmək və yaradıcı olmaq istiqamətində müəyyən fəaliyyəti olsa da, bunlar heç bir nəticə verməmişdir. Reallıq bundan ibarətdir”.
Ermənistan parlamentinin "Mənim addımım" blokundan millət vəkili Nazeli Baqdasaryan keçmiş müdafiə naziri Seyran Ohanyanı ordudan qazanc əldə etməkdə günahlandırıb.
Publika.az-ın məlumatına görə, sabiq nazir feysbuk hesabından deputatın cavabını verib.
“Bu yaxınlarda öyrəndim ki,“Mənim addımım”ın “artsax”ı türklərə təslim edən millət vəkillərindən biri 1983-cü il təvəllüdlü “mütəxəssis” Nazeli Baqdasaryan hərbi təcrübəsi onun yaşından artıq olan və 16 il ərzində “artsax”ın hərbi şöbələrinə rəhbərlik edən Seyran Ohanyanın töhfəsinə şübhə edir. Düşünürəm ki, bu millət vəkili yoldaşlarının hərbi tərcümeyi-halını təqdim etməlidir ki, müqayisəli analiz aparaq. Mənim hərbi təcrübəm onun yaşından çoxdur. Paşinyanın blokundan olan millət vəkilləri başqalarının müdafiə sənayesinə verdiyi töhfələri tənqid etmək istəyəndə birinci özləri ilə başlasınlar”,- Ohanyan bildirib.
Xatırladaq ki, Ohanyan 1992-ci ildə Şuşanın işğal edilməsində fəal iştirak edənlərdən biri olub. Vətən müharibəsi dövründə isə son anda Şuşanın müdafiəsi Ermənistan hərbi rəhbərliyi tərəfindən ona tapşırılmışdı.
General-mayor Ramin Əsgərov 2 aya yaxındır vəzifəsindən azad edilib, Azərbaycan Respublikasının qanunvericiliyinə görə generalı nazir yox, Ali Baş Komandan təyin edir və ya işdən azad edir".
Publika.az xəbər verir ki, bu barədə hərbi jurnalist Tofiq Şahmuradov bildirib.
O əlavə edib ki, generalın vəzifədən azad olunması Müdafiə nazirinin təqdimatı, yaxud başqa qurumun təqdimatı ilə ola bilər: "Ramin Əsgərov 2020-ci il iyun ayının 26-da Müdafiə Nazirliyinin təqdimatı ilə MN Baş Təhlükəsizlik idarəsinin rəisi vəzifəsinə təsdiq edilib və general rütbəsinə layiq görülüb
2020-ci ilin oktyabr ayında isə vəzifəsindən azad olunub".
Qeyd edək ki, R.Əsgərov Müdafiə Nazirliyinin sabiq baş qərargah rəisi Nəcməddin Sadıkovun bacısı oğludur. Onun müharibənin şiddətli dövründə, yəni oktyabr ayında vəzifədən kənarlaşdırılması cmiyyətdə maraq doğurub.
Qarabağdakı münaqişənin həlli üçün format Azərbaycan və Ermənistan tərəfindən təyin olundu, bəyanat iştirakçılarının tərkibi bununla müəyyən edildi, bu səbəbdən də İranın sülh planına əhəmiyyət verilmədi.
Publika.az xəbər verir ki, bunu Rusiya Xarici İşlər naziri Sergey Lavrov İran Dövlət Televiziyası və Radiosuna verdiyi müsahibədə deyib.
"İndi tənzimləməyə kimin kömək edə bildiyini və ya etmədiyini düşünməməliyik. Yenidən vurğulayım ki, formatın seçimi Azərbaycan və Ermənistan tərəfindən edildi. Bəyanatda iştirak edənlərin tərkibini müəyyən edən bu və başqa bir kateqoriya yox idi. İndi əldə edilən bütün razılaşmaları necə tamamlayacağımızı və qarşıdurma bölgəsini birlikdə yaşayış, yaxşı qonşuluq və əməkdaşlıq bölgəsinə necə çevirəcəyimizi düşünmək vacibdir", deyə nazir bildirib.
Lavrov Dağlıq Qarabağ məsələsində əsas vəzifənin qan tökülməsini dayandırmaq olduğunu deyib.
Rusiya diplomatik xidmətinin rəhbəri əlavə edib ki, Rusiyanın Xarici İşlər naziri olduğu bütün illər ərzində iranlı həmkarları ilə çoxsaylı təmaslar zamanı Qarabağ mövzusu ilə maraqlandıqlarını və məsləhətləşmələrdə və ya danışıqlarda fikir səsləndirdiklərini xatırlamır.
O, İranın mövcud vəziyyətdən narahatlığını başa düşdüyünü qeyd edib. O, Azərbaycanla Ermənistan arasındakı münasibətlərin normallaşmasının İranın tranzit maraqlarına təsir göstərəcəyindən, xüsusən də ABŞ-ın İrana qarşı sanksiyalar tətbiq etdiyi bir vəziyyətdə bu maraqların kəskinləşdiyindən vəziyyəti başa düşdüyünü dilə gətirib.

Видео Əsas xəbərlər 13.12.2020 (Xəbər Saatı) Qarabağda İNANILMAZ XƏYANƏT! - ŞOK! канала Musa Media