Fakt va Fikr (Maxsus-17): Muhammad Solihning tahdidlari yozilgan audio haqida

Ҳурматли обуначилар, мухлислар ва томошабинлар!

Муҳаммад Солиҳ ва унга энг содиқ журналистлардан бири Шуҳрат Бобожоннинг мен ҳақимдаги ғийбатларидан хабарим бўлса ҳам, мен шу кунгача бирор жойда буни оммага ошкор қилмадим. Чунки ДХХ деган идора ва унинг лайчалари: “Ана, мухолфитчилар, журналистлар, ўзбеклар, хоразмликлар бир-бирининг гўштини ейишяпти” - деб ҳурсанд бўлмасин, деб юрган эдим.

Лекин мана, кўриб турибсиз, таҳминан икки йилдан бери менга етиб келаётган ана шу гап-сўзлар тўғри эканлиги ўтган душанба, 10 май куни ойдинлашди.

Ниқоблар йиртилди!

Баланд минбарлардан “Танқид келажак мевасидир!” – деб нутқлар қилган, ўзини “фикрлар ҳилма-ҳиллигини ва танқидни хурмат қиладиган демократман” деб юрган типнинг умумий қилиб айтилган оддий танқидни ҳам кўтара олмайдиган мутакаббир ва худбин кимса эканлиги фош бўлди.

Ижтимоий тармоқларда “Ўзбеклар – биомасса!” – деб, ўзидан бошқа ҳаммани қўрқоқликда айблайдиган, ўзини “либерализм тарафдори, фикрлар плюрализмини ҳурмат қиладиган журналист” деб юрган нусханинг безорибоши ҳимоясидаги муштумзўр ва каллакесар мавжудот эканлиги аён бўлди.

Хуллас, йиртилган ниқоблар остида бетлар эмас, кетлар борлиги кўриниб қолди.

Ҳурматли ватандошлар!

Майда одамнинг кибри катта бўлади. Ва, аксинча, катта одамнинг кибри кичик бўлади.

“Эрк” демократик партияси Муҳаммад Солиҳни яқиндан таниган барча киши билади: Муҳаммад Солиҳнинг кибри катта эмас. Унинг кибри жуда катта! Шундан Муҳаммад Солиҳ катта ёки кичик одамлигини ўзингиз билиб олаверинг!

Мана шу микроскопик мавжудотни деярли фаришта сифатида пиар қилиш билан шуғулланадиган Шуҳрат Бобожоннинг менга кўп марта айтган бир гапи бор. Шуҳрат Бобожон: “Агар Муҳаммад Солиҳ бешикда ётган бир бегуноҳ чақалоқни бешикдан олиб, товода қовуриб еганини ўз кўзим билан кўрсам ҳам, мен: “Бу ёлғон! Солиҳ акам ҳеч кимни емаган” – деб туриб оламан!” -дейишни яхши кўради.

Бу гапи билан Шуҳрат Бобожон ўз маъбуди ва илоҳи Муҳаммад Солиҳга бўлган садоқатини намойиш қилмоқчи бўлади.

Лекин унинг мана шу гапи ҳақиқий манқуртликнинг, очиқ-ойдин зомбиликнинг ва учига чиққан адолатсизликнинг белгисидир.

Азиз томошабинлар!

Мен бундай мавзуда кўрсатув қиламан деб ҳеч ўйламаган эдим. Ниятим режамдаги қолган мавзуларни ёритиб, сизларга сиёсий ва ҳуқуқий билимлар улашиш эди.

Лекин афсуски, бу фаолиятим, айниқса, ундаги арзимаган танқидларим кимларнингдир тинчини бузган кўринади.

Ушбу кўрсатувда эшиттирилган аудиода “Эрк” демократик партиясининг лидери Муҳаммад Солиҳ мени “КГБнинг (яъни ДХХнинг) топшириғини бажараётган хоин”, “ифлос”, “пул учун онасини ҳам сотишга тайёр пасткаш” деб, ҳақорат қилган.

Агар Аллоҳ Таоло насиб қилса, “Факт ва Фикр”нинг келгуси бир нечта кўрсатувида КГБнинг топшириқларини аслида ким бажаргани, ўзбек мухолифатини ким иккига бўлгани, асл хоин ким эканлиги ҳақида гаплашамиз.

Ҳурматли обуначилар, мухлислар ва томошабинлар!

Энди бир ҳафта-ўн кун сабр қилиб турасизлар!

Чунки бу таҳдидларга вақтида жавоб бермасам, Муҳаммад Солиҳ ва Шуҳрат Бобожонга ўхшаган кўча одамлари: “Бобомурод қўрқди. Шунга индамай кетди” – дейишади.

Иншааллоҳ, “Факт ва Фикр”нинг келгуси Махсус сонларида “Эрк” демократик партияси раиси Муҳаммад Солиҳнинг ўзбек мухолифати тарихидаги ҳақиқий роли, қилган хато ва хоинликларини фактлар билан кўрсатиб беришга ҳаракат қиламан.

Кўрамиз, Муҳаммад Солиҳ ва Шуҳрат Бобожон қайси туркни ёллаб, қаерда менга суиқасд уюштиришар экан.

“Бобомурод Абдулла калтакдан ёки ўлимдан қўрқади”, деганлар адашади.

Каримов ва Мирзиёев даврининг жаллодларидан қўрқмаган Бобомурод Абдулла Муҳаммад Солиҳ ва Шуҳрат Бобожон ёллаган бандитлардан ҳам қўрқмайди.

Фактларни ўрганинг ва фикр қилинг!

Бобомурод Абдулла

2021 йил 12 май

Видео Fakt va Fikr (Maxsus-17): Muhammad Solihning tahdidlari yozilgan audio haqida канала Fakt va Fikr