Гукачы на афіцыйным свяце ў Кіеўскім скверы ўключылі песню «Перамен» і ўзнялі рукі з белымі стужкамі

Уладзіслаў і Кірыл, якія былі гукачамі на афіцыйным мерапрыемстве ў Кіеўскім скверы ў Мінску, спынілі выступ Віталя Варанко, выканаўца песні «Бацька», і ўключылі «Перамен» гурта «Кіно».

Яны патлумачылі, што на мерапрыемстве апынуліся прымусова, з'яўляюцца супрацоўнікамі Палаца дзяцей і моладзі, але пасля свайго ўчынку хутчэй за ўсё іх звольняць.

У Парку Дружбы народаў сёння вайскоўцы з тэхнікай і Саладухай, таму Святлана Ціханоўская, Вераніка Цапкала і Марыя Калеснікава прапанавалі побач наведаць Кіеўскі сквер, дзе пройдзе сямейнае свята «Калейдаскоп творчасці».

Кіеўскі сквер — гэта адна з шасці пляцовак, дзе ў Мінску дазволены мітынгі кандыдатаў у прэзідэнты.

Тэлеграм-канал «Беларусь головного мозга» (https://t.me/belamova/7846) прапануе ўсім, хто будзе прыходзіць на мерапрыемствы ў Мінску і абласных гарадах, арганізаваныя дзяржавай 8 жніўня, апрануць белыя майкі і ў 19.00 усім разам падняць і памахаць рукамі з белымі бранзалетамі — перадаць прывітанне ЦВК.

Просім падпісацца на нашыя сацсеткі, дзе мы шчыра расказваем праўду:
https://instagram.com/symbalby/
https://facebook.com/symbalby/
https://t.me/symbalby
https://twitter.com/symbalby
https://vk.com/symbal_by
https://ok.ru/symbalby
https://youtube.com/symbalbybelarus
https://tiktok.com/@symbalby

Видео Гукачы на афіцыйным свяце ў Кіеўскім скверы ўключылі песню «Перамен» і ўзнялі рукі з белымі стужкамі канала symbal.by