სამარხვო ბლინები ტარხუნით

სიფრიფანა სამარხვო ბლინები ტარხუნით# სამარხვო# გემრიელი

200 გრ. ბრინჯი გავრეცხოთ და მოვხარშოთ ისე, რომ ცოტაზე აკლდეს ხარშვა. გავწუროთ და გადავავლოთ ცივი წყალი. საწურზე დავტოვოთ. ეს იმისთვის რომ ფანტია იყოს და არა ფაფასავით ბლინებში.
წვრილად დავჭრათ ხახვი და გარჩეული ღეროებისგან და გარეცხილი ტარხუნა. ჯერ მოვთუშოთ ზეთში ხახვი, შემდეგ დავაყაროთ ტარხუნა და ოდნავ რომ შერბილდება, დავაყაროთ ბრინჯი. სულ რაღაც 2 წუთი ვშუშოთ და თან შევაზავოთ მარილითა და შავი პილპილით.
გავაცივოთ გულსართი.
სანამ ცივდება , შევწვათ ბლინები.
მომზადება:
500 მლ.წყსლი, მეოთხედი ჩაის კოვზი მარილი და 1ჭ. ფქვილი ავურიოთ და დავამატოთ 2 ს კ.ზეთი.
გამოვაცხოთ პორციებად გახურებულ ტაფაზე და ტაფაზე დასხმისთანავე მომენტალურად ტაფის წრიული მოძრაობით ვანაწილებთ ცომს თხლად.
სამარხვო ბლინებს ორივე მხარეს ვწვავთ, რადგან უფრო ფაქიზია.
გამომცხვარ სიფრიფანა ბლინებში ვახვევთ ტარხუნის გულსართს. შეგიძლიათ ჩაყინოთ ან შევწვათ ზეთში ორივე მხარეს. საოცრად გემრიელი და ნაზი ბლინებია. ასევე ძალიან გემრიელია ტარხუნის ეს გულსართით ღვეზელები საფუვრიანი ცომით ან ტაფაზე შემწვარი ან ღუმელში გამომცხვარი ხაჭაპურივით. სინჯეთ, არ ინანებთ!

Видео სამარხვო ბლინები ტარხუნით канала shinauruli georgian homemade food