ფანტია ტკბილი ფლავი ( სამარხვო)

ფანტია ტკბილი სამარხვო ფლავი

✅📺 ვიდეორეცეპტი -https://youtu.be/g4hTakAhEhs

მომზადება:

2ჭ (250გრ.) გრძელი ბრინჯი გარეცხილი და გაწურული საწურზე ჩავყაროთ მდუღარე 2 იგივენაირ ჭიქის წყალში, რომელშიც წყალთან ერთად ავადუღებთ ნახ.ჩ.კ. მარილს, 150-200 გრ.შაქარს, (გემოვნებით) , 100 გრ. მარგარინს ( კარაქს არასამარხვო თუ გნებავთ) , როცა წამოდუღდება, მაშინ ვყრით ბრინჯს. ერთხელ კარგად ამოვურიოთ და ძალიან დაბალ ცეცხლზე ვხარშოთ.
აუცილებელია ქვაბს ჰქონდეს თავსახური მყარად, რომ ორთქლი არ იპარებოდეს.
ვხარშავთ დაახლოებით 25-30 წუთი მინიმალურ ტემპერატურაზე.
სანამ ბრინჯი იხარშება 100-150 გრ ქიშმიში და 100 გრ. გარგარის ჩირი გავრეცხოთ და გავწუროთ საწურზე.
შემდეგ დავჭრათ ჩირი და ქიშმიშთან ერთად მოვთუშოთ 50 გრ. მარგარინში ( არასამარხვოს დროს კარაქში) .თან ვურიოთ რომ არ მიგვეწვას. მალევე გამოვრთოთ, როცა ქიშმიში ოდნავ დაიბერება.
მოხარშული ბრინჯი გადმოვიღოთ. ცხელი ბრინჯის ერთ ფენას დავაყაროთ მოთუშული ქიშმიში და ჩირი, შემდეგ მეორე ფენა ბრინჯი და ისევ ქიშმიში და ჩირი, ასე ბოლომდე. ბოლოს მოვაყაროთ ზემოდანაც და დავალაგოთ გარგარის მთლიანი ჩირები, მე ასევე საზამთროს ცუკატებიც დავადე.ძალიან უხდება. ასევე შეგიძლიათ ციტრუსისა და მსხლის ცუკატები.ეგენიც ძალიან უხდება ტკბილ ფლავს.
საოცრად გემრიელი ფლავი გამოდის, ფანტია და ბევრი ქიშმიშით.

🧑‍🍳🏠📺მეტი ჩემი რეცეპტების სანახავად ეწვიეთ :
ფეის-გვერდი: https://www.facebook.com/shin2975/🥟🥟

ინსტაგრამ- გვერდი: https://instagram.com/shinauruli_homemade_food?igshid=4rzfl431pz3w

იუთუბი არხი: https://www.youtube.com/channel/UCDY6HOMw_ZDfak0rR2BuaUA

Видео ფანტია ტკბილი ფლავი ( სამარხვო) канала shinauruli georgian homemade food