Часы чтения

«Мириада ЛиК» бырайыак иһинэн Саха сиригэр олорор норуоттар олохторун –дьаһахтарын кытта билиһиннэрэр уус-уран айымньылары ааҕыыбытын салҕыыбыт.

Ааҕар айымньыбыт аата «Биһиги тыыннаахпыт!» диэн. Бу – Былатыан Ойуунускай аатынан судаарыстыбаннай бириэмийэ, Амма Аччыгыйын аатынан СӨ Ил Дарханын бириэмийэтин Лауреаттара, бэйиэт уонна суруйаачы Елена Васильевна Слепцова –Куорсуннаах 2020 с. бэчээттэммит романа.

«Сэриигэ ким даҕаны кыайыылаах буолбат. Хотторуу түөрүйэтэ куйаартан түспүт халлаан эттигин курдук сир аҥаарын күлгэ кубулутар. Арай, ити алдьархайы алы гынар биир күүс баар. Ол-улуу ыарахаттарынан бигэргэммит – ытык ДОҔОРДОһУУ! Кыайыыны аҕалбыта үйэ тухары холобур буолар –норуоттар доҕордоһуулара! Манна суох хара-үрүҥ, кыһыл-араҕас. Баар-улуу дойду бэриниилээх саллаата!» -диэн ааптар роман иккис баһыгар суруйбут тыллара кини сүрүн идиэйэтин арыйаллар.

Айымньы дьоруойа- Василий Данилович Лукин- Сэбиэскэй аармыйа эписиэрэ уонна кини 468-с стрелковай полкаҕа бииргэ сулууспалаабыт доҕотторун фроннааҕы олохторо чахчылаах докумуоҥҥа олоҕуран суруллубут. Ол – хаартыскаҕа көстөр Лукин В.Д. ууну-уоту ортотунан бииргэ ааспыт доҕорун Павел Никифорович Никифоров ахтыытын тэтэрээтэ.

2021 с. «Омук тойуга, өһүк номоҕо» (роман бастакы аата) Кыайыы 75 сылыгар аналлаах айымньылар икки ардыларыгар ыытыллыбыт күрэх муҥур кыайыылааҕын аатын ылбытынан ааптар үөрүүтүн тэҥҥэ үллэстэбит, киниэхэ саҥа үрдүк чыпчааллары, ситиһиилэри баҕарабыт!

Айымньыны аахтылар: Дьокуускай к. 38 №-дээх оскуолатын уерэнээччилэрэ Алексеев Ренат, Алексеев Слава, Готовцев Күндүл, Красильников Боотур, Прокопьев Евгений.
Тексты бэлэмнээтэ уонна аа5ыыны тэрийдэ: Ефимова Л.Ж.

Видео Часы чтения канала Библиотека - филиал № 21 «Созвездие»