Prezident Qarabağın statusu məsələsinə nöqtə qoydu - Baku TV

Prezident Qarabağın statusu məsələsinə nöqtə qoydu - Baku TV

44 günlük vətən müharibəsi bitəndən dərhal sonra işğaldan azad olunan ərazilərimizin bərpası, gələcək inkişafının təmin edilməsi, məcburi köçkünlərin doğma torpaqlarına qayıdışı istiqamətində müvafiq tədbirlər görülməyə başlandı. Bu tədbirlər çərçivəsində ölkə üzrə iqtisadi rayonların bölgüsünə də yenidən baxılması zərurəti yarandı. Prezident İlham Əliyevin ötən gün iqtisadi rayonların yeni bölgüsü haqqında imzaladığı fərmana görə, Qarabağ iqtisadi rayonuna Xankəndi şəhəri, Ağcabədi, Ağdam, Bərdə, Füzuli, Xocalı, Xocavənd, Şuşa və Tərtər rayonları daxil edildi. Beləliklə, Xankəndi, Xocalı və Xocavənddə məskunlaşan ermənilər öz yaşayışlarını Azərbaycan Konstitusiyasına uyğun təmin edəcəklər.

Şərqi Zəngəzur və Qarabağ iqtisadi rayonlarının yaradılması həmin ərazilərin iqtisadi potensialından istifadə edilməsi və genişləndirilməsi baxımından mühüm əhəmiyyət kəsb edir. Əminliklə söyləmək olar ki, regionların sosial-iqtisadi inkişafı Dövlət Proqramı çərçivəsində sözügedən ərazilərdə də iqtisadi idarəetmədə çeviklik təmin ediləcək.

Nəticə etibarilə, ölkəmizdə iqtisadi rayonların yeni bölgüsü xüsusilə Qarabağın bərpası və inkişafı istiqamətində həyata keçirilən tədbirlərin səmərəliliyinin artırılmasına töhfə verəcək.


Kanalın əsas məqsədi dünyada və ölkədə baş verən ən vacib və maraqlı xəbərləri azərbaycan və rus dillərində geniş auditoriyaya çatdırmaqdır.

Baku.Tv ölkədə və dünyada baş verən ən aktual və maraqlı hadisələr barədə operativ videosujetlər hazırlayaraq auditoriyaya təqdim edir.

Facebookda səhifəmiz:
https://www.facebook.com/www.baku.tv/
https://www.instagram.com/__baku_tv__/
https://baku.tv

Kanalda bütün müəllif hüquqları qorunur.

#BakuTv #Azerbaycan #trend

Видео Prezident Qarabağın statusu məsələsinə nöqtə qoydu - Baku TV канала Baku TV