Ermənistan həqiqətən də sülhə razıdır? - Baku TV

Ermənistan həqiqətən də sülhə razıdır? - Baku TV

Azərbaycanla sərhədlərin demarkasiyası və delimitasiyası istiqamətində işləri aktivləşdirmək lazımdır. Regionda düşmənlik atmosferinin dərinləşməsi yolverilməzdir. Bu fikirləri hökumətin iclasında Ermənistanın Baş naziri Nikol Paşinyan səsləndirməklə, rəsmi Bakı ilə yüksək səviyyədə danışıqlarda iştirak etməyə hazır olduğunu və konkret təkliflər gözlədiyini bildirib. Bununla da Paşinyan sülh danışıqları üçün İlham Əliyevlə görüşə hazır olduğuna işarə edib. Bəs görəsən, Nikol doğrudanmı sülhə razıdır, yoxsa rəsmi Bakının sərt mövqeyi fonunda İrəvanın “yola gəldiyi” obrazını yaradır?

Mövzu ilə bağlı açıqlamasında politoloq Elxan Şahinoğlu qeyd edib ki, əsas Paşinyanın verdiyi açıqlamalar deyil, atacağı addımlardır. Çünki oxşar açıqlamaları əvvəllər də vermişdi.

Paşinyan danışıqlarda yenidən varlığı ilə yoxluğu bilinməyən ATƏT-in Minsk qrupunun iştirakını arzulayır. Üstəlik, sərhəddə “beynəlxalq monitorinq mexanizminin işə salınması” təklifini gündəmə gətirərək bunun üçün ya Kollektiv Təhlükəsizlik Müqaviləsi Təşkilatı, ya da Minsk qrupu həmsədrlərinin gəlişini dəstəkləyir.
Ekspertlərin fikirincə, Paşinyan bu siyasi manevrlə prosesləri əvvəlki ölü vəziyyətə qaytarmaq istəyir.

Paşinyanın “bizim əraziləri işğal etmək niyyətimiz yoxdur, niyətimiz suverenliyimizi və ərazi bütövlüyümüzü qorumaqdır” açıqlaması isə Azərbaycanın sərhəd istiqamətində mövqelərindən geri çəkilməsini istəməsinə işarədir. Bu baxımdan Nikolun verdiyi bəyanatlar qeyri-səmimi görünür. Əsas məqsəd vaxt qazanmaq, rəsmi Bakının sərt mövqeyindən yayınmaq üçün sülhməramlı obraz yaratmaq və nəticədə üzərinə götürdüyü öhdəliklərdən boyun qaçırmaqdır.


Kanalın əsas məqsədi dünyada və ölkədə baş verən ən vacib və maraqlı xəbərləri azərbaycan və rus dillərində geniş auditoriyaya çatdırmaqdır.

Baku.Tv ölkədə və dünyada baş verən ən aktual və maraqlı hadisələr barədə operativ videosujetlər hazırlayaraq auditoriyaya təqdim edir.

Facebookda səhifəmiz:
https://www.facebook.com/www.baku.tv/
https://www.instagram.com/__baku_tv__/
https://baku.tv

Kanalda bütün müəllif hüquqları qorunur.

#BakuTv #Azerbaycan #trend

Видео Ermənistan həqiqətən də sülhə razıdır? - Baku TV канала Baku TV