МУРОҶИАТИ ҲАМСАР ВА ПИСАРИ МАҲМАДАЛӢ ҲАИТ БА ҶОМИАИ ҶАҲОНӢ: МО ҲАТТО НАМЕДОНЕМ, Ӯ ЗИНДА АСТ Ё НЕ...

Савринисо Ҷӯрабекова ва Фирӯзи Маҳмадалӣ, ҳамсар ва писари Маҳмадалӣ Ҳаит, муовини раиси ҳизби феълан дар Тоҷикистон мамнӯи наҳзати исломӣ (ҲНИТ), ки ба ҳабси абад маҳкум шудааст, дар як муроҷиатнома ба ном як қатор созмонҳои муътабари байналмилалӣ ва ҳомиёни ҳуқуқ аз вазъи ӯ дар зиндон изҳори нигаронӣ карда, навиштаанд, ки бори охир ӯро моҳи майи соли 2021 дидаанд ва инак беш аз 7 моҳ боз дар бораи вазъи саломатии Маҳмадалӣ Ҳаит ягон маълумот надоранд. Дар ин муроҷиатнома, ки рӯзи 19 январ нашр шуд, наздикони Ҳаит менависанд, онҳо ҳатто намедонанд, ки ӯ зинда аст ё не.
Тибқи қонунгузории Тоҷикистон, ба наздикони афроди маҳкум ба ҳабси абад дар 6 моҳ ҳамагӣ як маротиба иҷозати мулоқот бо онҳо дода мешавад. Ҳамсари Маҳмадалӣ Ҳаит мебоист рӯзи 24 ноябри соли 2021 боз бо ӯ мулоқот мекард. Вале он рӯз маъмурияти маҳбас ба Савринисо Ҷӯрабекова гуфтааст, ки Маҳмадалӣ Ҳаит гуноҳ кардааст ва ҳамчун ҷазо вайро аз ҳаққи мулоқоти навбатӣ бо наздиконаш маҳрум кардаанд.

Видео МУРОҶИАТИ ҲАМСАР ВА ПИСАРИ МАҲМАДАЛӢ ҲАИТ БА ҶОМИАИ ҶАҲОНӢ: МО ҲАТТО НАМЕДОНЕМ, Ӯ ЗИНДА АСТ Ё НЕ... канала Bomdod TV