80 пайыз жұмысы аяқталған: «Алтын Орда» маңындағы жол құрылысының қазіргі жағдайы қандай?

Алматының шетіндегі «Алтын Орда» базары маңындағы жолдың 80 пайызы бітіпті. Мұны құрылысты 3 жарым жыл бұрын бастаған "Дәулет-ЖолҚұрылысы" компаниясының өкілдері айтып отыр. Компания құрылысқа жол жиегіндегі жанармай құю бекеттері мен бірқатар нысандар кедергі келтіргенін айтады. Бөлінген қаражатты игеріп, тіпті компания шығынға да батқан екен.
Бұл бетоннан жасалған эстакада тіреуіштері Алматының кіреберісінде қаз-қатар орналасқан. "Дәулет-ЖолҚұрылысы" компаниясы 595 метрді құрайтын негізгі құрылыстың басым бөлігі бітті деп отыр. Бастысы 20 метр тереңдікте бетоннан құйылған көпірдің 18 тіреуіші толығымен орнатылған дейді бұрынғы мердігер компания өкілдері. Ал құрылысқа қажетті темір сатылар Польшадан әкелініпті. Әрқайсысы 60 тонна көтереді.
БАЙКАЛ ҒАЛЫМЖАН, "Дәулет-жолқұрылысы" жшс құрылыс нысанының жетекшісі:
– Бұл жерде бітпей тұрған монолит құрылыс қана. Үсті. Мосттың өзі. 85 метрі құйылған. 35 метр лесасы бітпеген, қалғаны бітіп тұр. Аяғына дейін бітіру үшін 22 ай уақыт керек. Технологиялық процесі бар. 35 метрден құйып, тросын тартып әрі қарай құйып отыратын.
«Алтын Орда» маңындағы жолды кеңейтуге кіріскен "Дәулет-ЖолҚұрылысы" компаниясының өкілдері құрылыстың тұралап қалғанына пандемия да айтарлықтай әсер етті дейді. 1 жылдың босқа өткенін алға тартқан олар, аумағы 3 шақырым 86 метрді құрайтын құрылыс алаңы толық қоршалып барып жүргізілуі керек еді дейді. Алайда, облыс пен қаладан тәулігіне қатынайтын 50 мың көліктің басқа айналма жол арқылы жүре алмайтынын да ескердік деп отыр.
ҚАБДОЛРАХЫМ НҰРҒАЛИЕВ, "Дәулет-жолқұрылысы" компаниясының директоры:
– Қазір бұл жерде 80 пайыз жұмысты аяқтадық. Бұл подкова. Ол бітіп тұр. "Ақсай" мостын салдық. 3 жаяу жүргінші жолын салдық. 4 полосалық жолды 10 жолақты жолға ауыстырдық. Эстакаданың опорный бөлігін толық бітірдік. Бұл жерде опалубка, леса және бетон құю ғана қалды.
Жұмысты бас-аяғы бітіру үшін "Дәулет-ЖолҚұрылыс"-қа 9,1 миллиард теңге бөлінген. Компания 3 жыл 5 айда оның 5 миллиард 400 миллионын игеріпті. Қымбаттаған құрылыс материалдарын компания өз қаражатымызға алып, көп шығынға баттық деп отыр.
ҚАБДОЛРАХЫМ НҰРҒАЛИЕВ, "Дәулет-жолқұрылысы" компаниясының директоры:
– Арматура 160 мыңнан болса ол күндері, қазір 350 мыңнан. Бетонның да бағасы 15 мыңнан болып, қазір 25 мыңнан. Бірақ біз ешқашан тоқтаған жоқпыз. Көптеген жасалған дополнительный объем работ дейді ғой, олардың көптеген ақшасы бізге қайтқан жоқ.
Бірақ, құрылыс кестесінен кідірмеуге мердігер компания тарапы барымызды салдық. Бөлінген қаражатты да орнымен жұмсадық, жұмыстың көбі бітті дейді "Дәулет-ЖолҚұрылыс" өкілдері.

Әйгерім Ердәулет, Сергей Шуйский
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#АлтынОрда #құрылыс #Алматы #бюджет

Видео 80 пайыз жұмысы аяқталған: «Алтын Орда» маңындағы жол құрылысының қазіргі жағдайы қандай? канала Информбюро 31