Қоғамдық көліктерге арналған арнайы жолақпен енді барлық транспорт түрлері қатынай беруі мүмкін

Елдің ірі қалаларында қазір тек қоғамдық көліктер ғана жүретін арнайы жолақпен, енді барлық транспорт түрлері қатынай беруі мүмкін. Осы айдың соңына дейін қоғам талқысына түсетін бұл мәселеге, автобус жүргізушілері мен жолаушылар қазірден наразы. БРТ-жолағын бұзу-жедел-жәрдем мен өрт сөндірушілерге де қиындық тудырады дейді сарапшылар.
Жолдың қақ ортасына салынған аялдамаларға үш жыл бұрын наразы болған алматылықтар пен автобус жүргізушілері, қазір БРТ-бағытымен қатынауға әбден үйреніп кеттік дейді. Сондықтан, қоғамдық көлікке деп арнайы жасалған жолақпен өзге траспорттың қабаттасып жүргенін құптамайтындықтарын айтып отыр.
Ал басынан БРТ-жолағына қарсы болған жеңіл көлік жүргізушілері таңертең мен кешкіліктен бөлек уақытта қатынауымызға рұқсат берілсе екен деп отыр. Ішкі істер министрлігінің әзірлеген қаулы жобасында таңғы 7 жарым мен 9 жарым,ал кешкі 5-пен 8-дің арасында ғана арнайы жолаққа өзге көліктердің түсуіне болмайды делінген.
Сарапшылар, арнайы жолақты күндізгі уақытта өзге көлік жүргізушілерінің пайдалануы әлемдік тәжірибеде бар дейді. Бірақ, пик-сағатынан бір минут асып кетсе, екінші жолға өту мәселесі сөзсіз қиындық тудыратынын айтады. Оған қоса, онсыз да тар жолдағы көлік тығынынан жедел-жәрдем мен өрт сөндірушілерді өткізуде кедергі келтіретінін Үкімет қаперде ұстауы керек деп отыр.
ЭДУАРД ЭДОКОВ, тәуелсіз автомобилистер одағының төрағасы:
– Міндетті түрде жеңіл көлік жүргізушілеріне салынатын айыппұл көлемі артады. Сондықтан, азаматтарға 1 ай бойы алдын-ала түсіндіру керек. Ал жолдың ортасындағы аялдаманы қайта алып тастайды ма, ол жағын да дұрыстап пысықтау керек. Мүмкін Қытайдағыдай жолүсті өткелдерін жасау қажет болады. Өйткені, қазір жаяу жүргінші жолағымен өтетіндер-ақ кептеліс тудырып жатыр. Біздегі популист басшылар мәселені жан-жақты қарастырмай жатып шешім шығарғанды жақсы көріп тұрады.
Осы айдың соңына дейін қоғам талқысына түсетін Ішкі Істер министрлігінің бұл жобасын Үкімет мақұлдаса, жеңіл көлік жүргізушілері пик-сағатынан бөлек, демалыс күндері де БРТ-жолағымен жүйіткей алады. Ал сарапшылар, құзырлы органдағылар қай көшеде нақты қандай уақытта кетелістің басталып не аяқталатынын олар білмейді деп отыр.
Әйгерім Ердәулет, Думан Сүлейменов
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#БРТ #автобус #арнайы_жолақ #Алматы

Видео Қоғамдық көліктерге арналған арнайы жолақпен енді барлық транспорт түрлері қатынай беруі мүмкін канала Информбюро 31