Кураш ва белбоғли кураш: Жаҳон чемпионлари финалда ютқазишди

Жиззахда кураш ва белбоғли кураш бўйича катта спорт мусобақаси бўлиб ўтди. Зарбдор туманида “Спортни сев, спорт билан яша”! шиори остида 9-май “Хотира ва қадрлаш куни” муносабати билан “Хотира” турнири ўтказилди. Жиззах вилояти ҳокимлиги ва вилоят прокуратураси ҳамда Ўзбекистон Кураш Федерацияси билан ҳамкорликда ташкил этилган мусобақада барча вилоятлардан келган 400 нафарга яқин полвонлар иштирок этишди.
Турнирда эркаклар – 55 кг, 66 кг, 73 кг, 90 кг, 100 ва +100 кг дан оғир вазн тоифаларида гиламларда куч синашишган бўлсалар, барчиной қизларимиз – 48 кг, 52 кг ва 63 кг вазн тоифаларида ўзаро беллашдилар. Ҳар бир гиламда энг кучлилар саралаб борилди.

Кураш бўйича ўғил боллар ўртасида 60 кг лилар рақобатида мезбонлар вакили Араббой Мамасидиқов финалда Бухорлик рақибидан устун келган бўлса, 66 кг даги курашчилар орасида яна бир мезбон спорчи Дилшод Бўриевга тенг келадиган рақиб топилмади. 55 кг даги бебоғли курашчилар ўртасида Фарғона вилояти вакили Диёрхўжа Мўйдинов 1 чи ўринни эгаллаган бўлса, 66, 73 ва 90 кг даги повлонлар бахсида Андижонлик спортчилар ғолиб бўлишди. Шунингдек, 3 та вазнда ўтган қизлар бахсида мезбонлар ғолибликни ҳеч кимга бермади. Мусобақанинг мутлоқ ғолибларни аниқлаб берувчи беллашувлар ҳам томошабинлар олқишида ўтди. “Белбоғли кураш” бўйича ўтган рақобатда мезбон спортчи Нодир Ахатжонов Зайлобиддин Артиқовни катта устунлик билан енгиб ғолиб бўлган бўлса, махоратли курашчи Яхё Имомов таниқли полвон Шерали Жўраевдан кичик хисобда устун келиб мутлоқ ғолибга айланди. Мусобақа якунида ҳар бир вазн ғолиблари ва совриндорларига диплом, қиммматбаҳо совғалар ва пул мукофотлари топширилди. Кураш ва белбоғли кураш бўйича мутлоқ ғолибларга дамас автомашинаси калитлари тантанали топширилди.

Видео Кураш ва белбоғли кураш: Жаҳон чемпионлари финалда ютқазишди канала Norbek Niyazov