Бокс. Жаҳон чемпионатида 3 та олтин

13-23 апрель кунлари Польшанинг Кельце
шаҳрида бокс бўйича ёшлар ўртасида жаҳон чемпионати бўлиб ўтди. Унда Ўзбекистон қизлар ва йигитлар терма жамоаси 18 нафар боксчи билан иштирок этди. Ўтказилган жанглар якунига кўра, терма жамоамиз боксчилари Ўзбекистонга 10 та медаль билан қайтадиган бўлишди.
Мусобақанинг сўнгги куни вакилларимиз учун муваффақиятли келди. -52 кг вазн тоифасида юртимиз шарафини ҳимоя қилган Шаҳзод Музаффаров ҳал қилувчи финал жангини россиялик Евгений Жоровга қарши ўтказди ва 3:2 ҳисобида ғалаба қозонди. Бу орқали Музаффаров ёшлар ўртасидаги жаҳон чемпионига айланди ва олтин медалга сазовор бўлди!
91 килодан оғир вазнли боксчимиз Жаҳонгир Зокиров финалда арманистонлик Ованес Папазянга қарши жанг қилиб, рақибини учинчи раундда нокаут қилишга эришди.
Бу терма жамоамиз аъзоларининг учинчи олтин медали эди. Бир кун олдин қизлар ўртасидаги мусобақаларда Нигина Ўктамова ҳам ўзбек бокси тарихида илк бор жаҳон чемпиони бўлган аёл спортчига айланганди.
Ушбу муваффақият билан ўзбек спорти мухлисларини табриклаймиз. Умид қиламизки, ушбу ёшлар яқин йилларда Олимп чўққиларини ҳам забт этадилар.

Видео Бокс. Жаҳон чемпионатида 3 та олтин канала Norbek Niyazov