Віншаванне ад Паўла Латушкі з Калядамі

Дарагія сябры,

у кожнага з нас Каляды асацыююцца з цяплом і спакоем, з успамінамі дзяцінства. Калі разам з роднымі і блізкімі мы радуемся і трошкі сумуем, з новай сілай любім адзін аднаго, беражом і просім прабачэння ў тых, каго пакрыўдзілі.

Мінулы год стаў цяжкім для ўсіх нас: і ў гэтыя дні не ўсе сем'і ўзʼяднаюцца ў святы. Не ўсе дзеці атрымаюць падарункі ад бацькоў. Не ва ўсіх дамах разальюцца калядныя песні. Светлае свята азмрочана вайной і беззаконнем: слязамі і болем украінцаў і беларусаў.

У гэты цяжкі час ўсе мы маем патрэбу ў падтрымцы, любові і надзеі. І з заміраннем у сэрцы загадваем жаданні: каб усё хутчэй скончылася, каб боль і страх сышлі на досвітку з апошнімі водбліскамі Каляднай зоркі. Каб Святая ноч растварыла людскую злосць і жорсткасць і вярнула ў наша жыццё дабро і справядлівасць.

У гэтыя калядныя зорныя імгненні ў нас – беларусаў – жыве светлая вера ў лепшае, у нашу агульную справу, новае жыццё і шчаслівую будучыню.

Вера, што, пераасэнсаваўшы мінулае і змяніўшы сучаснасць, захаваўшы сувязь з продкамі і традыцыямі, мы напішам новую гісторыю нашай краіны.

Без болю і слёз. Без жорсткасці. Без турмаў па-за віны. Без бомбаў і ракет. У свабоднай краіне, у нашым родным доме, дзе вышэйшая каштоўнасць – чалавек, яго правы і бяспека.

Ад імя Народнага антыкрызіснага ўпраўлення і свайго імя віншую беларусаў, якія адзначаюць сёння Раство Хрыстова, са святам. Дзякуй вам за вашу падтрымку, веру ў нас і адзін у аднаго.

Калі ў вас ёсць магчымасць і жаданне падтрымаць працу каманды НАУ: https://bit.ly/38KA2y0

Нашы сацыяльныя сеткі:

Павел Латушка:
Telegram: https://bit.ly/3u61ixG
Instagram: https://bit.ly/3u4aKS2
YouTube: https://bit.ly/3qgqmRn
YouTube PL: https://bit.ly/3u7pfEE
Twitter: https://bit.ly/3tlTBEb
Facebook: https://bit.ly/3IhgBs9
Viber: https://bit.ly/3qgqQa9
TikTok: https://bit.ly/3KWQYig

Народнае антыкрызіснае ўпраўленне:
Telegram: https://bit.ly/36ezaQK
Instagram: https://bit.ly/3InJdAj
YouTube: https://bit.ly/3wjLOZE
Twitter: https://bit.ly/3CRbU7i
Facebook: https://bit.ly/3igwXab
Сайт: https://bit.ly/36tSglZ
TikTok: https://bit.ly/3UoB8B2

#беларусь #латушка #каляды
Віншаванне ад Паўла Латушкі з Калядамі!

Видео Віншаванне ад Паўла Латушкі з Калядамі канала Павел Латушко